Dengizdagi qayiq haqidagi hikoyani eshitganmisiz ? Agar kapitan to`g`ri yo`nalishni belgilamasa, qayiq hech qachon qirg`oqga chiqa olmaydi.
To`g`ri yo`nalishni tanlash uchun bizga kichik uchburchak yordam beradi:
1. Sizni qiziqishlaringiz - o`zingiz sevib ijod qilmaydigan yo`nalishda muloqot qilish zerikarli.
2. Siz yaxshi tushunadigan soxa - Siz ma`lumot ulashayotgan soxada mutaxassis sifatida fikr bildira oladigan darajada erkin bo`lishingiz kerak.
3. Hamfikrlar soni - Blogingizga obuna bo`ladigan va sizni kuzatadigan obunachilarning taxminiy soni
Keling har biriga alohida to`xtalib o`tamiz:
Sizni qiziqishlaringiz
Odamni qiziqishlari cheksiz. Shuning uchun ham u bir vaqtning o`zida bir nechta mashg`ulot bilan shug`ullana oladi. Agar biz qilayotgan harakatlarda "qiziqish" nomli unsur bo`lmasa, unda ma`no qolmaydi. Tez zerikamiz. O`zimizni majburlaymiz. Bajaramiz. Lekin sevmaymiz.
Sevikli bo`lmagan mashg`ulotimiz bilan uzoq vaqt shug`ullana olmaymiz. Shuning uchun bu faktor birinchi o`rinda
Siz yaxshi tushunadigan soxa
Har bir odam juda ko`p soxalarga qiziqadi, lekin shu soxa uchun unda bilimlar sayoz. Odamzot o`z fokusini bir soxaga yo`naltirganda muvaffaqiyatga erishadi. Siz musiqaga, dasturlashga yoki onlayn o`yinlarga qiziqishingiz mumkin. Lekin, ularni qaysi birida siz ko`proq omadga erishgansiz ?
Hamfikrlar soni
Blog ochish yaxshi, lekin uni kuzatuvchilari kam bo`lsa sizda blog uchun kontent tayyorlash zerikarli bo`ladi. Blogni rivojlantirish uchun uning taxminiy auditoriyasini bilish lozim. Masalan: Siz tanlagan yo`nalishga O`zbekistonning qancha aholisi qiziqadi ?
Agar kuzatuvchilar soni kam bo`lsa, soxangizdan uzoqlashmagan xolda kengroq yo`nalish tanlash kerak.
Masalan: REDMI telefonlariga atalgan blog ochish niyyatingiz bor. Ayni damda O`zbekiston aholisini taxminan 10 dan birida Redmi. O`zbekistonda telegram ishlatadigan odamlar soni 10 million bo`lsa, sizdagi maksimal kuzatuvchilar 1 millionga yaqin bo`ladi.
Sirli formula
Yuqorida yozilganlarni bir joyga jamlab, to`g`ri xulosa chiqarish uchun quyidagi jadvaldan foydalansangiz bo`ladi.
1. Birinchi ustunga siz ichindan qiziqgan barcha yo`nalishlarni yozib chiqing
2. Ikkinchi ustunga shu yozgan yo`nalishlaringizda qanchalik shu soxani tushunasiz, tajribangizga baxo bering
3. Siz tanlagan yo`nalishda O`zbekistonda Telegram ishlatadigan odamlarning taxminan qanchasi qiziqishini yozing.
Javob shundoq oldingizda namoyon bo`ladi. Jadvalni qisqacha sharhlaganda:
- Siz mashinalarga havaskor sifatida qiziqasiz, unga ekspert sifatida baxo bera olmaysiz. Garchand mashinaga qiziqadigan odamlar ko`p bo`lsa ham siz ular bilan biron foydali ma`lumotni ulasha olmaysiz.
- Siz telefon va gadjetlar haqida havaskor foydalanuvchidan ko`proq ma`lumotga egasiz. Uni texnik detallari, dasturiy ta`minoti haqida ko`p narsalarni bilasiz. Bu yo`nalish qolganlariga qaraganda kamroq obunachiga ega lekin aynan shu yo`nalishda siz to`liq kuchingizni ko`rsata olasiz va maksimal darajada jamiyatga foydali bo`lasiz.
Yo`nalish tayyor, endi navbat tematikaga !
Deylik, biz telefon ga gadgetlarni yo`nalishini tanladik. Bu umumiy yo`nalish. Barcha telefonlarga atalgan yangi bloglar orasida yangi kanal bo`lib raqobatda sinib qolasiz. Shu sabab, raqobatchilar safini kamaytiramiz. Buning uchun yo`nalishimizning ichidagi kichik bo`limlarni tanlaymiz.
Masalan:
- Android telefonlari yoki APPLE telefonlari
- Dasturlar, o`yinlar va modlar
- Qurilmalarni ta`mirlash (remont)
- Telefonlar savdosi
- Telefonlar uchun aksessuarlar haqida
- Mobil telefonlar haqida yangiliklar
Shu yo`nalishlardan qaysi biri sizga yaqinroq bo`lsa shunisini tanlash lozim. Bunda siz ham raqobatchilarni kamaytirasiz, ham blogingiz asil maqsadi obunachilar uchun aniqroq bo`ladi.
Agar fikrlaringiz bo`lsa, marhamat komentariyada kutib qolaman. Keyingi darslarda Kanalga nom tanlash haqida suhbatlashamiz.