✍️Мен ең әуелі Сізге Ақпарат саласын басқарып отырған министр ретінде, кейін бала тәрбиелеп отырған ата-ана ретінде мына бір мәселеге назар аударуыңызды сұраймын!
📌Бұдан біраз уақыт бұрын КТК арнасынан көрсетіліп жатқан “Астарлы ақиқат” бағдарламасы “Қойшылардың кайфы” деген атаумен кезекті шығырылымын ұсынды. Ол жалпы малшылар қауымының ар-намысына тиді. Оған қатысты мен «Shopan Ata» қойшылар қауымдастығы, жалпы қазақ шаруаларының атынан арнайы бейнемәлімдеме жасаған едім...
📌Енді, міне, араға тағы да біраз уақыт салып Дина Төлепберген бастаған шығармашылық ұжым Түркістан маңында болған сұмдық жағдайды малшылармен байланыстырып көрсетіп отыр.
🛑Біріншіден, мұндай оқиға расымен болды ма, болмады ма, оған сенім жоқ.
🛑Екіншіден, Түркістан барлық Түркі әлемінің Қасиетті ордасы. Мұндай теріс идеология қазақстандық арналардан көрсетілмеуі керек!
🛑Үшіншіден, малшылар қауымын осыншалық төмен деңгейде насихаттауға біз, шаруа адамдары қарсымыз.
👇🏻Маған сенбесеңіз, осы жазбаның астына түсіп жатқан елдің пікірін ескеруіңізді сұраймын!
❌Ұрпақ тәрбиесіне жат, ұлттық болмысымызға кері әсер ететін мұндай бағдарламаға Сіз қандай баға бересіз? Әр нәрсенің өз шегі болуы керек емес пе?!
✅Құрметпен, Алмасбек Садырбаев,
“Shopan ata” Ұлттық қой өсірушілер қауымдастығының төрағасы.