Бу мәртәбәле чарада районыбыз башлыгы Рамил Нотфуллин белән берлектә республиканың да күп кенә мөхтәрәм шәхесләре катнашты.
Балтач мәдәният үзәгендә район алдынгыларының традицион слеты үтте. Әлеге бәйрәм районыбызда һәр ел хезмәт уңганнарын бәяләү, хөрмәтләү максатыннан уздырыла. Бәйрәмгә хуҗалык җитәкчеләре, авыл җирлеге башлыклары, һәр тармактан алдынгылар, ветераннарыбыз чакырулы иде.
Тантаналы өлеш башланганчы, кунаклар күргәзмәне күзәтеп, районыбыз җирлегендә эшләнә торган продукция белән таныштылар. Ә аннан соң бәйрәм чарасы сәхнәгә күчте.
