Балтач районында яшәүче мари милләтле гармунчыларның " Йоҥгалт гармунь йӱк" конкурсы быел онлайн форматта узачак.
Балтач районында яшәүче мари милләтле гармунчыларны бәйгедә катнашырга чакыралар. Җирле мариларның "Эрвел марий" милли-мәдәни автономиясе дирекциясе һәм Балтач районы мәдәният бүлеге мари авылларында яшәүче һәвәскәр гармунчылар арасында " Йоҥгалт гармунь йӱк” онлайн-конкурсын үткәрү турында Нигезләмә кабул итте.
Онлайн конкурста катнашу өчыен видеоязмалар 5 февральдән 14 февральгә кадәр кабул ителә. Видеоязмаларны abdulov.petr@bk.ru электрон почтасына җибәрергә мөмкин. Шулай ук ВКонтакте "һәм" Одноклассники социаль челтәләрендә "Эрвел Мари "МО МНКА" битенә урнаштыру мөмкинлеге дә бар.
Видеоязмаларның озынлыгы ике-өч минуттан артмаска тиеш. Конкурста катнашучы гармунда, баянда мари халык, җыр көйләрен башкарырга тиеш. Конкурс ике категориядәге катнашучылар арасында оештырыла. Беренче категориядә 16 яшькә кадәр балалар катнаша. 16 яшьтән өлкәнрәк гармунчылар икенче категориядәге һәвәскәрләр арасына кертелә.
Оста гармунчыларны " Йоҥгалт гармунь йӱк”тә көтәләр