Siz bilan bu yo`lga qadam qo`yar ekanmiz, uning qonun qoidalariga amal qilishni ham bilishimiz kerak. Keling, bir narsaga kelishib olamiz - Pul biz uchun ahamiyatga ega emas. Biz millionermiz.
Deylik, biz o`zimiz sevgan yoki ayni damda shug`ullanib kelayotgan soxaning ustalarimiz. Bizda, odamlarga naf keltiradigan va foydali ma`lumotlar ko`p. Masalan: Stomatologmiz, shu soxaga tegishli ma`lumotlar: Ishda bo`ladigan qiziqarli holatlar, tashxis va muolaja, kasalliklar va ularning davosi haqida odamlar bilan bo`lishmoqchimiz. Bizning shaxsiy blogimiz orqali ma`lumot olgan odamlar boshqa doktorlarga aldanib qolishmaydi, tishlar parvarishiga alohida e`tibor berishadi. Hullas siz ularga foyda keltiradigan ma`lumotlar bilan ulashasiz.
Vaqt o`tib, sizning obunachilaringiz ko`paygani sari tabiiyki klientlaringiz soni ham oshadi. Bu sizga qo`shimcha daromad olib keladi.
Agar birinchi o`ringa pulni qo`ysangiz, tasvir butunlay teskarisiga aylanib ketadi. Siz stomatologsiz, lekin bilasiz hozir "ko`ngilochar kontent" tayyorlash daromadli. Aktyorlik qobiliyatingiz yo`q, tasavvur kuchli emas lekin pul ishlashga bo`lgan ishtiyoq sizni bir muddat oldinga intilishga majbur qiladi. 2-3 oydan so`ng qiziqmagan soxangiz ustida ishlashni xoxlamaysiz. Ayniqsa, tekinga. Bu xuddi foxishalikga o`xshaydi. Pul uchun sevgidan voz kechish.
Adashmasam, siz foxisha bo`lishni hohlamaysiz, to`g`rimi ? Unda yaxshi.
Men bloglardagi ma`lumotlar doim odamlarga foyda keltirishi tarafdoriman. Shuning uchun ham kanal ochishdan oldin yaxshilab o`ylab ko`ring:
Agar sizga kanal ochishdan moddiy manfaat kerak bo`lsa - bu darslikda uni topishingiz qiyin.
Agar sizga o`z fikringizni erkin bildirish, tajribalaringizni boshqalar bilan ulashish va jamiyatga foyda keltirish bo`lsa - hush kelibsiz.
Bu darslik - shaxsiy blogingizni ochish va uni ommalashtirish haqida. Blogni esa azizlar, eng qulay, tezkor va ommabop platforma - Telegramda ochamiz.
Blog olamiga ilk bor qadam qo`yganimda , maydon shartlari boshqacha edi. Blogni o`zingiz qiziqgan soxada oching va shu soxaga tegishli ma`lumotlarni obunachilaringiz bilan bo`lishing. Bu eng asosiy qonun edi. Lekin, biz qiziqgan soxada doim xam ekspert bo`la olmaymiz. Masalan, ozimiz qiziqgan soxa va faoliyat yuritayotgan soxa boshqa-boshqa bo`lishi mumkin.
Shu sababli, ilk bloglarim uzoq yashamadi. Chunki, undagi ma`lumotlarni qanchalik to`g`ri ekanligini aniqlashga ILMIM yetmas edi.
Vaqt o`tib, men shuni tushundimki - qiziqgan soxaga emas, balki tajriba ulashadigan darajada ilmi bor soxada blog ochish foydaliroq ekan. Masalan, men aslida menejerman. Internet olamida esa 10 yildan oshiq tajribam bor. Shuning uchun ikkala sohada ham blog ochishim mumkin.
Lekin, sizda tajriba kam bo`lsa, ishonchsiz va tekshirilmagan ma`lumotlarni ommaga hech qachon taqdim etmang. Sizning xatoingiz tufayli ko`plab odam adashadi. Natijada savob olish o`rniga la`nat eshitasiz.
Ilmingiz yetarli bo`lsa - marhamat. Sizni butun dunyo kutmoqda !
Kanal ochishdan oldin, quyidagi savollarga javob bering:
- Sizni odamlarga foyda keltiradigan darajada bilimingiz yetarlimi ?
- Kanalni ochishdan maqsadingiz nima ? Pul, mashxurlik yoki sotuvlarni ko`paytirish (biznes egalari uchun) ?
- Nega odamlar sizga obuna bo`lishlari kerak ? Siz ularga nima bera olasiz ?
- Siz ulashmoqchi bo`lgan tajriba yoki ma`lumot odamlar uchun ijobiy ma`noda foydalimi ?