Кичә Шәмәрдән авылында хезмәт коллективлары һәм авыл җирлекләре ир-атлары командалары арасында мини-футбол буенча Саба муниципаль районы чемпионатының ярымфинал уеннары булып узды.
Беренче уенда Саба тәрәзәләре һәм ШЛПУМГ командалары очрашты, уенда Саба тәрәзәләре командасы 4-1 исәбе белән җиңү яулады. Икенче уенда Сабагаз һәм Явлаштау командалары очрашты. Уен Явлаштау командасы файдасына 2-0 исәбе белән тәмамланды.
Бүген Шәмәрдән авылында мини-футбол буенча Саба муниципаль районы Чемпионатының финал уеннары узачак. Уеннар 18:50 сәгатьтә башлана.
