430-шы Қара пайым-сөз: Қалекең тағы да «қуып кетті» демеңіздер, бірақ бір білген нәрсемді айтайын...

Әрбір 10-15 минут сайын әлем жаңалықтарын толассыз жариялап отыратын «Euronews» деген телеарна бар. Байқап қарасаңыз «Euronews» деген сөз «Euro + North – солтүстік + East – шығыс + West – Батыс + South – оңтүстік» дегенді білдіреді. Төрт құбыланы түгел жаулап алдық, болдық-толдық, күллі әлемнің иесі Бізбіз! – деп асып-тасқан Еуропаны, ақ нәсілділерді, мына Тәжі-індеті бүгілдіріп, жыларман халге жеткізді. Вакцинаны жүз мыңдап салдырып, үйлеріне тығылып отырса да, дәл қазір ауруханаларда еуропалықтар жүздеп-мыңдап қырылып жатыр. Бұған бей-жай қараудың өзі қорқынышты. Тәжі-індетін сан құбылтып, оның жаңа түрлерін (штаммдарын) бірінен соң бірін шығарып жатқан бұл «құбылыстың» арғы жағынан Айдаһардың аң мен құсты ысылдап арбап, бірте-бірте өзіне қарай тартқан сиқырлы дыбысты естігендеймін. Бұл дыбыс кейде маған Ұлы Алланың Құдіретті Зікірі сияқты естіледі және егер ақ нәсілділер «жаздық-жаңылдық, Ұлы Құдірет иесі біз емес, Сіз екенсіз» деп өздері біліп Алланың алдында тізеге жығылмаса, бұл індеттің тым алысқа шабатын түрі бар. Аңқиып қарап тұрмаңыздар, дәл қазірден бастап тездетіп мына дұғаны үзбей оқып отырыңыздар: «Аллаһумма раббан нәси музһибәл яси. Ишфи әнтә әш-шәфи лә шәфия иллә әнтә. Ишфи шифә-ән лә юғадиру сәқәмән». Мағынасы: «Уа, адамзаттың Раббы! Қиындықты жоюшы. Дерттерге шипа беруші. Өзіңнен басқа шипа беруші жоқ. Ауру-сырқат түгілі аурудың ізі де қалмайтындай шипа бере гөр». Бұл Тәжі-індеті иммунитеттің әлсіздігін емес, иманнан жұрдай болғандарды жазалайтын тажал деп біліңіздер. Кім біледі, осы дұға себепші болып, бәлкім аман қаларсыздар. Оқыңыздар, оқыңыздар, оқыңыздар және Алладан басқаға ешбір бет бұрмаңыздар...