Кисә Белорет районының Ҡоҙғон-Әхмәр ауылында Сәләмәтлек һәм әүҙем оҙон ғүмерлелек йылына старт биреп, ат-спорт ярышы уҙғарылды.
Спорт байрамында белореттар ғына түгел, ә Баймаҡ, Әбйәлил, Архангел, Учалы, Бөрйән райондары һәм Сибай ҡалаһынан ҡатнашыусылар килде. Дөйөм алғанда, ат бәйгеһендә 40-тан ашыу һыбайлы стартҡа баҫты.
Ҡунаҡсыл хужалар сараға килгәндәрҙе йыр-бейеү, самауыр сәйе һәм йылы аш менән ҡаршы алды. Спорт байрамы ҡунаҡтары ла, урындағы халыҡ та ыңғай тәьҫораттар алып, ял көндәрен бик файҙалы уҙғарҙы, рәхмәт һүҙҙәре әйтеп таралашты. Әлбиттә, ойоштороусылар ҙа йылды ошондай матур сара менән башлауҙарынан ҡәнәғәт ҡалды.
Әйткәндәй, Ҡоҙғон-Әхмәр ауылы әүҙемселәре башҡорт атын һаҡлап ҡалыуға, популярлаштырыуға тос өлөш индерә. Улар бындай ат сабыштарын йыш уҙғарып тора.
Автор: Рәмилә Мусина
Присоединяйтесь к обсуждению новости в наших группах: Вконтакте, Одноклассники, Facebook.