Эрте бурун шагдан
Эки бакты көрген
Ак-ла салдыг ирей
Ажы-төлүн чыггаш,
Чаңчылдарны айтып,
Чагыг-сөзүн сөглеп,
Саңын кыпсып чалбарааш,
Чаа хүннү алгаан.
Кожумаа:
Курай-курай! Черим-чуртум!
Өршээ-өршээ! Ажы-төлүм!
Ада-иемниң чери-чурту өршээ!
Ажым-чемин дээжизин салдым, өршээ!
Аас-кежик дилеп тур бис,
Шагаа, шагаа, алдын шагаа,
Ак-ла салдыг алдын шагаа!
Дээрде чыраан шолбан,
Херелденген эзим,
Эрги чыл-даа аттангаш,
Эстип чиде берди.
Арттар-сыннар кырын
Алдын херел шыпты.
Чаа муң чыл эгези
Шагаа ныйыр келди.
Кожумаа:
Курай-курай, оран таңдым!
Өршээ-өршээ, арбай-тараам!
Бак-ла чүве ыңай турзун, өршээ!
Эки-ле чүве бээр турзунам, өршээ!
Амыр-тайбың дилеп тур бис,
Шагаа-шагаа, алдын шагаа,
Ак-ла салдыг алдын шагаа!
Хондур-дундур тоолдап,
Кожамыктап, кажыктап,
Кожа өглер аалдап,
Чолушкулап келир.
Омак-хөглүг чонум
О мани падме хум!
Айым, хүнүм,бурганым,
Авыралдап камна!
Кожумаа:
Курай-курай, оран-таңдым!
Өршээ-өршээ, арбай-тараам!
Бак-ла чүве ыңай турзун, өршээ!
Эки-ле чүве бээр турзунам, өршээ!
Амыр тайбын тилеп тур бис
Шагаа, шагаа, алдын шагаа!
Ак-ла салдыг алдын шагаа!
Шагаа, шагаа, алдын шагаа,
Ак-ла салдыг алдын шагаа.
Шагаа, шагаа, алдын шагаа,
Ак-ла салдыг алдын шагаа.
С. Ириль, Л. Мортай-оолдуң күүсеткени-биле.