Սիրիա-իրաքյան սահմանին գտնվող Բու-Քեմալ սահմանային անցակետում կիրակի երեկոյան գնդակոծության է ենթարկվել իրանական բեռնատարների շարասյունը, որով պարենային օգնություն է ուղարկվել Սիրիային: Այս մասին հայտնում է ТАСС-ը՝ հղում անելով Al-Hadath հեռուստաալիքին։
Նշվում է, որ ավտոշարասյունը բաղկացած է եղել 25 բեռնատարից, չորս մեքենաներից բաղկացած առաջին խումբը հատել է անցակետը։ Անհայտ անձինք կրակ են բացել, երբ մոտեցել է երեք բեռնատարներից բաղկացած երկրորդ խումբը։
Al-Hadath-ը հայտնում է, որ արդյունքում կան տուժածներ, դեպքի վայր են մեկնել շտապօգնության մեքենաներ։ Al Mayadeen հեռուստաալիքի տվյալներով՝ հարձակման հետևանքով միայն նյութական վնաս է պատճառվել։
Իրանի պաշտպանության նախարարությունն ավելի վաղ հայտնել էր, որ Իրանի Սպահան նահանգի ռազմական գործարանը հարձակման է ենթարկվել։ ԶԼՄ-ները հայտնել էին նաև, որ իրանական գործարանին ԱՄՆ-ն է հարցված հասցրել։