Օպերատիվ ծառայությունների մասնագետներն ու իրավապահները ստուգում են Մոսկվայի մոտ 10 առևտրի կենտրոնների ականապատման մասին ստացված հաղորդագրությունները: Այս մասին ТАСС-ին հայտնել են արտակարգ ծառայություններում։
«Ներկայումս պայթյունի սպառնալիքի մասին անանուն հաղորդումներ ստանալուց հետո Մոսկվայի տարբեր օկրուգների շուրջ տասը առևտրի կենտրոններում, այդ թվում՝ մայրաքաղաքի կենտրոնում գտնվող «Охотный ряд» - ում, պայթյունավտանգ առարկաների և պայթուցիկ նյութերի առկայության ստուգում է իրականացվում», - ասել է գործակալության զրուցակիցը: Նրա խոսքով՝ որոշ օբյեկտներում տարհանում են իրականացրել։
Հունվարի 29-ին պայթյունի սպառնալիքի պատճառով տարհանել են նաև Մոսկվայի «Измайлово» համերգասրահի աշխատակիցներին և այցելուներին, որտեղ տեղի է ունեցել Njdeh հայկական պարերի դպրոցի համերգը:
Ավելի ուշ հայտնի է դարձել, որ Մոսկվայի «Измайлово» համերգասրահի և առևտրի կենտրոնի պայթյունի սպառնալիքի մասին տեղեկությունը կեղծ է եղել։