Լոս Անջելեսում դաշնային կառավարության շենքի առջև բողոքի ցույց և քայլարշավ է կազմակերպվել դեպի Ադրբեջանի հյուպատոսարան: Այս մասին հյտնում է «Ամերիկայի ձայնը»: Հայ համայնքի մեծ թվով ներկայացուցիչներ պահանջել են բացել Լաչինի միջանցքն ու ԱՄՆ-ի կողմից պատժամիջոցների ենթարկել Ադրբեջանին:
«Մենք խաղաղություն սիրող, երկիր կառուցող ժողովուրդ ենք: Մենք միշտ ձգտել ենք զարգացման: Որպես ԱՄՆ-ում ապրող, հարկեր վճարող քաղաքացիներ, մենք մեր կողմից ընտրված պաշտոնյաներից պահանջում ենք հայ ազգի իրավունքները պաշտպանել»,-նշել է Գլենդելի քաղաքապետ Արտաշես Քասախյանը: Բողոքի ցույցի մասնակիցները Լոս Անջելեսի ամենաբանուկ հատվածներում դատապարտող կոչերով իրենց ձայնն են լսելի դարձրել: Նրանք հայտարարել են, որ վճռական են պայքարը շարունակելու հարցում:
Լրացուցիչ տեղեկությունների համար այցելեք կայք