Керпене һәркем күргәне бар. Ләкин керпе турында кызыклы фактларны белмисеңдер әле! Әйдә, дустым, бу хатаны төзәтик!
🦔Керпе катнаш урманнардагы якты урыннарда яшәргә ярата. Аның авырлыгы – 1 кг, буе 30 см җитәргә мөмкин.
🦔Керпенең җилкәсендәге энәләр саны 16 меңгә кадәр җитә.
🦔Керпе начар күрә. Аның төп ярдәмчесе-барыннары. Әйе-әйе, шуңа да ул янына якын килә башлагач борынын "мышкылдата".
🦔Начар күрүенә карамастан, керпе төсләр аерырга сәләтле.
🦔Керпенең авызында 36 теше бар. Һәм алар, нәкъ тә кешенеке сыман, олыгайган саен коела бара.
🦔Керпе баласы чукрак, сукыр, ялангач һәм энәсез булып туа. Туып берничә сәгать үтүгә, тәненә йомшак энәләр үсә башлый. Бераздан ул энәләр ныгый, катылана.
🦔Табигатьтә керпеләр күп дигәндә 5 ел яши, ә зоопарк яки хуҗалыкта – 10 ел. Керпеләрнең барлыгы 17 төре билгеле.
🦔Соңгы елларда Татарстанда колаклы керпеләр очрый башлаган. Керпе Татарстанның Кызыл китабына кертелгән.
🦔Керпеләр бер-берсе белән сызгырып аралаша.
🦔Керпе тәүлегенә 2 чакрымга якын араны уза.