Җиләк-җимешләрнең коелып берничә кон яткач, черә башлавына игътибар иткәнегез бардыр. Аларда, әллә каян гына, вак-вак чебен-черкиләр барлыкка килә башлый. Каян килә соң яшелчә, җиләк-җимешләрдә чебен-черкиләр?
Ике төрле җиләк чебеннәре бар:
Урта диңгез чебене нәкъ тә өй чебененә охшаган, ләкин аларда кызгылт-сары тимгелләр күрергә мөмкин. Бу иң зарарлы төр бөҗәкләрнең берсе. Чөнки бу төрнең самкалары әле өлгермәгән яшелчә, җиләк-җимешләргә йомырка салалар, ә яшь чебеннәр барлыкка килгәч, алар әлеге җимеш-яшелчәләр белән туклана. Шулай итеп әлеге төр чебеннәре бөтен уңышны юк итергә мөмкин.
Өйдә чери башлаган җимеш өстендә очккан чебен “дрософила”- дип атала. Ул куркынычсыз. Самка черегән җимешнне күреп оча да, үз йомыркаларын чери башлаган яшелчә-җимешләргә генә сала. Ә яңа туган чебен-черкиләр черегән җимешләрдә барлыкка килгән матдәләр белән генә туклана.
Иң кызыгы шунда ки, дрософила фәнгә билгеле булган иң файдалы бөҗәкләрннең берсе. Ни өчен дисезме? Чөнки ул нәсел үзенчәлекләрен өйрәнүдә файдаланыла. Әгәрдә бу кешеләр мисалында өйрәнелсә, буыннар үсешен бик озак өйрәнергә туры килер иде. Мәсәлән, 30 буын өйрәнү өчен 500 ел вакыт кирәк, ә җимеш-чебеннәрен кулланып бер ел эчендә 30 буын өйрәнеп була. Дуслар, яшелчә-җимеш чебеннәре без уйлаганча ук зыянлы бөҗәк түгел икән бит!