Найти тему

Цi хопiць Еўропе дроваў на зiму?

Восенню прапаганда на ТБ рассказвала нам аб тым, што Еўропа не перажыве зіму, бо ў яе не хопіць дроваў, каб тапіць печкі. Усе мае знаёмыя й сябры з гэтай самай Еўропы смяяліся й казалі, што дровамі ўвогуле ніхто не топіць, аднак будуць крыху эканоміць на ацяпленні, каб не плаціць лішнія грошы. Я больш давяраў жывым людзям, чым тэлевізійным, аднак адправіўся ў экспедыцыю, каб сваімі вачыма ўсё паглядзець і разабрацца ў сітуацыі…

І, вы будзеце смяяцца, я знайшоў Еўропу з тэлевізару, дзе людзі паляць дровы, каб сагрэць свае хаты. Аднак, будзем сумленнымі, тэлевізія перебольшвае – дроваў хопіць усім!

Мы ў Баўгарыі. У савецкія часы Баўгарыя была амаль адзінай замежная дзяржавай, куды маглі выехаць шчаслівыя грамадзяне СССР, цяпер жа гэта адна з краін Еўрасаюза. Многія з вас, мабыць, бывалі ў Баўгарыі на папулярных курортах Чарнаморскага ўзбярэжжа, аднак большую частку гэтай дзяржавы займаюць горы. Ці чулі вы пра гарналыжны курорт Банска? Сюды прязджаюць катацца на лыжах людзі з Чэхіі, Злучанага Каралеўства ды іншых еўрапейскіх краін, дзе мала сваіх гор. У дадатак, тут яшчэ й даволі танны адпачынак у параўнанні з Італіяй, Аўстрыяй, Францыяй.

Дык вось, мы наведалі гарады й мястэчкі ў гарах побач з Банска.

-2

Напачтку зімы тутэйшыя мястэчкі выглядаюць паўзакінутымі. Здаецца, палова жыхароў на зіму перабіраецца у горад. На вуліцах амаль няма людзей. Верагодна, летам сітуацыя адваротная – вяртаюцца й мясцовыя жыхары, прыязджаюць са сталіцы й гарадскія, каб пажыць у гарах на прыродзе.

-3

У цэнтры мястэчка Бачэва мы знайшлі тры адчыненыя крамы, дзе можна набыць неабходны мінімум – хлеб, малако, макароны, пячэнне і г.д. У 10 кіламетрах ад мястэчка ёсць горад з вялікім супермаркетам, туды людзі і ездзяць за пакупкамі. 

-4

На плошчы перад аміністрацыяй стаяла калядная ялінка.

-5

А побач з кожным домам, дзе жывуць людзі, абавязкова зложаны дровы. 

-6

Звычайна тут у кожнай хаце стаяць такія печкі. Яны грэюць ваду, якая йдзе і ў батарэі на ацяпленне памяшкання, і ў вадаправод, каб мыцца ў цёплай вадзе. Гэтак сама ў верхняй частцы печкі можно запякаць ежу, а засім зверху кіпяціць чайнік ці варыць суп :)

-7

Пасля Бачэва мы адправіліся ў горад Добрэніштэ. Гэтыя мясціны славяцца сваімі гарачымі крыніцамі, таму перш-наперш пайшлі адмакаць у басэйне пад адкрытым небам. 

-8

А потым прагуляліся по горадзе.

З упэўненнасцю магу заверыць вас – Еўропа гэтую зіму перажыве, дроваў хопіць! =)