Հայաստանի կողմից անկախության ձեռքբերումից հետո, հատկապես երիտասարդները տարվեցին արևմուտքի տարբեր ավանդույթներով: Նորաձևությունը տարածվեց նաև տոների վրա: Երիտասարդները շատ են սիրում նշել Սուրբ Վալենտինի օրը, երբ սիրահարները շնորհավորում են միմյանց և սիրային բացիկներ ու այլ նվերներ են նվիրում: Միաժամանակ, հայերն ունեն իրենց սեփական սուրբը` սիրահարների հովանավոր Սուրբ Սարգիսը:
Սուրբ Սարգսի օրը նշվում է հունվարի վերջին կամ փետրվարի սկզբին: Հայաստանում այն սկսել են նշել 2007 թվականից:
Հին ժողովրդական ավանդույթի համաձայն՝ Սուրբ Սարգսի տոնին ընդառաջ երիտասարդներն աղաբլիթ են ուտում, իսկ դրանից հետո արգելվում է ինչ–որ բան ուտել կամ խմել։ Այդ գիշեր նրանք երազում տեսնում են իրենց ապագա ամուսնուն կամ կնոջը։ Այս տարի Սուրբ Սարգսի տոնը նշվում է փետրվարի 4-ին:
Armenia Today-ը որոշեց հետաքրքրվել երիտասարդներից՝ արդյո՞ք պատրաստվում են այսօր աղի բլիթ ուտել:
Հարցված երիտասարդների մեծ մասը չեն պատրաստվում ուտել, քանի որ չեն հավատում, որ գիշերը կարող են տեսնել ինչ-որ մեկին իրենց երազում։ «Չեմ հավատում տենց բաներին…», «Չեմ պատրաստվում ուտել, քանի որ դեռ երևի պետք չէ…», «Չէ՛, հա՜, փորձել եմ, օգուտ չկա»,-նշում էին երիտասարդաները։
«Երբևէ չեմ կերել, չեմ կարծում, որ այս անգամ կուտեմ. անկեղծ, պատմությունը շատ հետաքրքիր է, ժողովրդական ավանդույթ է ու ինչ-որ հետաքրքրություն կա այդ պատմության մեջ»։
Երիտասարդ աղջիկներից մեկը սակայն հետաքրքրիր պատմություն պատմեց ծնողների մասին. «Իմ մայրիկը տեսել է հայրիկիս երազում, և մի քանի ամիս անց հայրս եկել է խնդրելու մայրիկիս ձեռքը»։
Հարցված քաղաքացիներից մեկն էլ, որը ամուսնացած է, նշեց․ «Չէ՛, չեմ ուտելու, որովհետև ամուսնացած եմ, սակայն կերել եմ ժամանակին և եթե հավատանք ավանդույթին տեսել եմ ինչ-որ բան, հստակ չեմ հիշում»։
Կային երիտասարդներ, ովքեր դժվարացան հստակ պատասխանել․ «Այո՛, երևի կուտեմ, սակայն չեմ հավատում», - ասաց երիտասարդ աղջիկներից մեկը, սակայն ավելացրեց, որ չի հավատում երազ տեսնելուն, պարզապես ուտում է, քանի որ ձևն է այդպես։
Մանրամասները՝ տեսանյութում։