Մեծ Բրիտանիայի կառավարությունը 600 «Brimstone» տեսակի հրթիռ կուղարկի Ուկրաինա: Այս մասին հայտնում է TASS-ը՝ հղում անելով Միացյալ Թագավորության պաշտպանության նախարար Բեն Ուոլեսին: Սա Մեծ Բրիտանիայի կողմից Ուկրաինային ուղղվող ռազմական օգնության հերթական փաթեթն է:
«Այսօր ես կարող եմ ասել, որ մենք պատրաստվում ենք ևս 600 Brimstone հրթիռ ուղարկել ռազմական գործողությունների գոտի, որոնք մեծապես կօգնեն Ուկրաինային գերիշխել մարտի դաշտում»,-ասել է Մեծ Բրիտանիայի պաշտպանության նախարարը:
Բրիտանացի նախարարը նշել է, որ արևմտյան դաշնակիցները պատրաստ են անհրաժեշտության դեպքում մի քանի տարվա ռազմական օգնություն ցուցաբերել Ուկրաինային: Միևնույն ժամանակ, նա կարծիք է հայտնել, որ 2023 թվականին Ուկրաինայի զինված ուժերը պետք է զգալի հաջողություններ գրանցեն։
Հիշեցնենք, որ 2022 թվականի փետրվարի 24-ի առավոտյան Ռուսաստանը սկսել է Ուկրաինայի ապառազմականացման և ապաշրջափակման հատուկ գործողությունը: Ուկրաինայի նախագահ Վլադիմիր Զելենսկին Մոսկվային մեղադրել է երկրի ռազմական ենթակառուցվածքների վրա հարձակվելու մեջ և Ուկրաինայի ամբողջ տարածքում ռազմական դրություն է մտցրել՝ խզելով դիվանագիտական հարաբերությունները ՌԴ-ի հետ: