Վերջին մեկ տարում 15 դեպք կարող եմ թվարկել, որից հետո ոչ միայն Պաշտպանության նախարարը, այլև վարչապետը, դիլետանտների այս ամբողջ խմբակը պետք է հրաժարական տար, մինչ օրս ո՞ր դեպքի համար են պատասխանատվություն կրել: Խորհրդարանական ճեպազրույցների ժամին այս մասին ասել է ԱԺ «Պատիվ ունեմ» խմբակցության ղեկավար Հայկ Մամիջանյանը՝ անդրադառնալով այսօր ՊՆ N զորամասում տեղի ուենցախ ողբերգությանը, ինչի հետևանքով 15 զինծառայող է զոհվել, կան վիրավորներ:
Անդրադառնալով բանակցային գործընթացին՝ Մամիջանյանը նշել է. «Միջազգային հարաբերությունների տեսանկյունից ՀՀ արտաքին քաղաքականությունը, եթե, իհարկե, այդպիսին գոյություն ունի, դասագրեքերի մեջ որպես նոնսենս պետք է մտնի: Առկա է «խաղաղության երկու բանակցություն»: Մեկով Արցախի վերաբերյալ հիշատակում չկա, մյուսում առկա է հիշատակում, և առկա է ինքնորոշման հնարավորություն՝ տարիներ անց: Խոսքը ռուսական առաջարկի մասին է: Աբսուրդն այն է, որ Հայաստանը պաշտոնպես հայտարարել է, որ երկու տարբերակին էլ համաձայն է»:
Մամիջանյանը շեշտել է՝ Փաշինյանն ինքն է ընդունել, որ խաղաղության օրակարգը ձախողվել է:
Հիշեցնենք, որ նախնական տվյալներով ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով այսօր զոհվել է 15 զինծառայող, 3 զինծառայողի վիճակը գնահատվում է ծանր:
Ավելի վաղ ՊՆ-ն հայտնել է, որ հունվարի 19-ին՝ ժամը 01:30-ի սահմաններում, դեռևս չպարզված հանգամանքներում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում: Չնայած դեպքի վայրում ծավալվել են հրդեհաշիջման աշխատանքներ, հրդեհի հետևանքով կան զոհեր և վիրավորներ:
Ավելի ուշ հայտնի դարձավ, որ ՀՀ նախագահ Վահագն Խաչատուրյանի հրամանով Վահրամ Գրիգորյանն ազատվել է 2-րդ բանակային կորպուսի հրամանատարի պաշտոնից:
Մանրամասները՝ տեսանյութում: