В богослужебных текстах, предшествующих наступлению Крещения Господня встречаются удивительные красивые образы и выражения, помогающие нам всмотреться в глубину праздника Богоявления!
Давайте внимательно вслушаемся в эти тексты:
Гото́вися, Иорда́не реко́:/ се бо прихо́дит Христо́с Бог крести́тися от Иоа́нна,/ да змие́в неви́димыя главы́ сокруши́т Божество́м в вода́х твои́х./ Ра́дуйся, пусты́не Иорда́нская,/ го́ры, игра́йте с весе́лием:/ прихо́дит бо Ве́чный Живо́т воззва́ти Ада́ма./ Глас вопию́щаго, возопи́й, о Иоа́нне Предте́че:/угото́вайте пути́ Госпо́дни/ и стези́ Его́ пра́вы соде́лайте.
Возвраща́шеся иногда́ Иорда́н река́ ми́лотию Елиссе́евою,/ возне́сшуся Илии́,/ и разделя́хуся во́ды сю́ду и сю́ду/ и бысть ему́ сух путь, и́же мо́крый,/ во о́браз вои́стинну Креще́ния,/ и́мже мы теку́щее жития́ прехо́дим ше́ствие:/ Христо́с яви́ся во Иорда́не освяти́ти во́ды.
Я́вльшуся Тебе́ те́лом, освяти́ся земля́,/ во́ды благослови́шася, Не́бо просвети́ся,/ род же челове́ков го́рькаго мучи́тельства вра́жия изба́вися.
Земля́ освяти́ся Рождеством твои́м святы́м, Сло́ве,/ пове́дающим Небе́сем звездо́ю сла́ву Твою́./ Ны́не же водно́е естество́ благослови́ся, Тебе́ пло́тию кре́щшуся,/ и род земноро́дных к пе́рвому взы́де па́ки благоро́дию
Вели́кий Дождь к ре́чным струя́м предгряде́т,/ пло́тию крести́тися восхоте́в./ К Нему́же Бо́жественный Предте́ча, ужаса́яся, глаго́лаше:/ ка́ко крещу́ Тя, скве́рны не иму́ща весьма́?/ Ка́ко простру́ мою́ десни́цу на главу́, ея́же трепе́щут вся́ческая?
Во́ду почерпи́те Жи́зни,/ се ны́не прии́де ми́ра Река́ и́стинно/ изсуши́ти му́тныя неве́рия во́ды и просвеще́ние источи́ти пою́щим Ему́:/ сла́ва си́ле Твое́й, Го́споди.
Угль, Его́же прови́де Иса́ия,/ в вода́х Иорда́нских разгоре́вся,/ попали́ вещь всю грехо́в и подаде́ сокруше́нным назда́ние./ Те́мже, воспева́юще, воспое́м:/ да благослови́т тварь вся Го́спода и превозно́сит во вся ве́ки.
Обнови́ти земны́я Сын Твой восхоте́в,/ко Иорда́ну я́ко Челове́к тщи́тся, Чи́стая, кра́йния ра́ди любве́:/ та́мо бо всех сокру́шшаго сотре́, обновля́ет моли́твами Твои́ми мир.
Если статья или цитата Вам понравилась, перешлите статью Вашим друзьям и знакомым, поставьте понравилось, оцените статью👍, подписывайтесь на канал и рекомендуйте его знакомым!