Ապրիլյան և 44-օրյա պատերազմի մասնակից Արման Ահարոնյանի նկատմամբ քրգործ են հարուցել՝ եռամսյա հավաքներին չմասնակցելու պատճառով։
Ահարոնյանը, որը մի շարք ռազմամարզական կառույցների անդամ է («Տիգրան Աբգարյան» Մարտական Ակումբ, «Պետականությունը Որպես Գերագույն Արժեք» (ՊՈԳԱ), «Կոմանդոս Ռազմամարզական Ակումբ», «ՈՄԱ/VOMA-Ողջ Մնալու Արվեստ») Facebook-յան իր էջում հայտնել է, որ եռամսյա հավաքներին չմասնակցելու պատճառով իր դեմ քրեական գործ են հարուցել։
Ահարոնյանի գրառումից պարզ է դառնում, որ նա 2015-2017 ծառայել է Արցախում, մասնակցել Ապրիլյան պատերազմին, այնուհետև՝ 2020 թվականին մասնակցել է 44-օրյա պատերազմին (Մատաղիս, Բերձոր)՝ որպես հետախույզ։ 2022թ սեպտեմբերին եղել է Վարդենիսում (Ղարաբաղյան պատերազմի վետերանների միություն)։
«Խաղաղ ժամանակ անդամակցել, սովորել կամ կամավոր աշխատանքներ եմ իրականացրել ռազմամարզական կառույցներում»,-հայտնել է նա։
Ահարոնյանի փոխանցմամբ՝ զինկոմիսարիատից իրեն ծանուցել են, ինքը ներկայացել է, տվել գրավոր բացատրություն, թե ինչ պատճառով չի ներկայացել հավաքին, սակայն իր դեմ քրեական գործ են հարուցել։