Еліміздің кей өңірлері көкетемгі су тасқынына дайындықты әлі бастамаған. Бұл туралы үкіметте баяндама жасаған ҚР Төтенше жағдайлар министрі Юрий Ильин хабарлады, деп жазды Qazaqstan Media тілшісі.
Қыс мезгілі аяқталуға шақ қалды. Бірақ кей өңірлер көктемгі су тасқынына дайындықты бастауға әлі асығар емес. Бұл тізімде Солтүстік Қазақстан облысы да бар.
«Бізде 2021-2023 жылдарға арналған су тасқынына қарсы іс-шаралардың Жол картасы бар. Өткен жылы осы картада көзделген 68 іс-шараның 41-і аяқталған жоқ. Олардың жалпы сомасы – 15,6 млрд теңгені құрайды. Айта кететін болсақ, Түркістан облысы қаржыны тек өткен жылджың соңында ғана бөлген. Ал Солтүстік Қазақстан және Ақтөбе облыстарында ақша әлі жоқ. Алматы облысында, Шымкентте және Астанада жобалық-сметалық құжаттама әлі әзірленуде»,- дейді Юрий Ильин.
Төтенше жағдайлар министрлігінің хабарлауынша, еліміздегі 255 елді мекенді қызыл су басу қауіпі бар.