Թուրքիայի Դիարբեքիր քաղաքում ավտոբուսի վթարի հետևանքով զոհվել է 5 մարդ, վիրավորվել շուրջ 22-ը։ Այս մասին հայտնում է TRT Haber հեռուստաալիքը։
«Նախնական տվյալներով՝ Դիարբեքիրում մարդատար ավտոբուսի շրջվելու հետևանքով զոհվել է հինգ մարդ, այդ թվում՝ մեկ երեխա, վիրավորվել՝ 22 մարդ»,- պարզաբանել է հեռուստաալիքը։
Վարկածներից մեկի համաձայն՝ անձրևից հետո սայթաքուն ճանապարհի պատճառով վարորդը կորցրել է մեքենայի կառավարումը։ Այլ մանրամասներ դեռևս չեն հաղորդվում։
Դեպքի վայր են ժամանել արտակարգ իրավիճակների աշխատակիցները, ընթանում է հետաքննություն։