Իրանի Իսլամական Հանրապետության բեռնափոխադրման գծերը (IRISL), նավատորմի նորացման նպատակով, պայմանագիր են կնքել Աստրախանում Իրան-ռուսական Սալյանկա նավահանգստի պատվերով նավերի կառուցման մասին, հայտնում է իրանական ИРНА գործակալությունը։
Աստրախանում Իրանի Իսլամական Հանրապետության գլխավոր հյուպատոս Մեհդի Ակուչեկյանը պայմանագրի ստորագրման արարողության ժամանակ հայտարարել է իրանական և ռուսական համապատասխան մարմինների ջանքերի մասին՝ զարգացնելու առևտրային և տնտեսական հարաբերությունների մակարդակը:
«Նավահանգստային փոխադրումների ցիկլի ավարտը դրական ազդեցություն է թողնում Իրանի և Ռուսաստանի արտահանման ապրանքների վերջնական գնի նվազման վրա, և, որպես հետևանք, կբարձրանա երկու երկրների բնակչության կյանքի որակը», - նշել է Ակուչեկիանը:
Նա Իրանի և Ռուսաստանի միջև նավերի կառուցման պայմանագիրը մեծ քայլ է անվանել երկու երկրների առևտրային համագործակցության ընդլայնման նպատակով:
Նրա խոսքով՝ «Հյուսիս-Հարավ» կենսական նշանակություն ունեցող միջազգային տրանսպորտային միջանցքի զարգացման հետ կապված անհրաժեշտ է ավելի շատ նավեր տրամադրել և ամրապնդել նավահանգստային ծառայությունների ենթակառուցվածքը: