Թուրքիայի ափերի մոտ՝ Սև ծովում, բեռնատար նավի վրա պայթյուն է տեղի ունեցել: Lenta.ru-ի փոխանցմամբ՝ այս մասին հայտնել է Al-Hadas հեռուստաալիքը:
Նախնական տվյալներով՝ պայթյունի պատճառը գազի արտահոսքն է եղել։ Անձնակազմի անդամները կարողացել են զանգահարել փրկարար ծառայություն։ Նավում գտնվող 16 մարդ հոսպիտալացվել է։ Նավապետը անհետ կորած է համարվում:
Հաղորդվում է, որ բեռնանավը Պանամայի դրոշի ներքո ածուխ էր տեղափոխում Տրապիզոնի նավահանգիստ։ Անձնակազմի մեծ մասը եգիպտացիներ էին։ Նավի անձնակազմի թվում եղել են նաև Ալբանիայի, Վրաստանի և Ուկրաինայի քաղաքացիներ։