Ռուսաստանն ու Հայաստանը քննարկում են Հայաստանում ռուսական կրթության առաջխաղացման հնարավորությունները և ռուսաց լեզվի համատեղ դասագրքի նախապատրաստումը, լրագրողներին հայտնել է Ռուսաստանի փոխվարչապետ Ալեքսեյ Օվերչուկը՝ ամփոփելով Մոսկվայում կայացած Ռուսաստանի և Հայաստանի միջև տնտեսական համագործակցության միջկառավարական հանձնաժողովի 21-րդ նիստի արդյունքները, հաղորդում է ТАСС-ը:
«Քննարկել ենք Հայաստանում ռուսական ընկերությունների ներկայության հարցերը։ Քննարկել ենք կրթության և դպրոցների համար ռուսաց լեզվի համատեղ դասագրքի պատրաստման, Հայաստանում ռուսական կրթության առաջխաղացման հարցերը>, - ասել է Օվերչուկը։
Հայաստանում գործում են ռուսական բուհերի 6 մասնաճյուղեր, ինչպես նաև Ռուս-հայկական համալսարան։ Հայաստանի տարածքում ռուսական մշակույթի և ռուսաց լեզվի հիմնական դիրիժորներն են գիտության և մշակույթի ռուսական կենտրոնը Երևանում և նրա մասնաճյուղը Գյումրիում։