Չեմպիոնական շքերթի ժամանակ Արգենտինայի հավաքականը շտապ տարհանվել է ուղղաթիռով

Արգենտինայի հավաքականի ֆուտբոլիստներին ուղղաթիռով շտապ տարհանել են Բուենոս Այրեսի փողոցներից, հայտնում է Todo Noticias հեռուստաալիքը։

Աղբյուրը հայտնում է, որ փողոց դուրս եկած շուրջ 5 մլն արգենտինացիներ փակել են քաղաքի գրեթե բոլոր փողոցները, ինչի արդյունքում ֆուտբոլիստների ավտոբուսը չի կարողացել հասնել մայրաքաղաքի կենտրոն։

Իշխանությունները ստիպված են եղել չեղարկել չեմպիոնական շքերթը և ներողություն խնդրել բոլորից։ Այդուհանդերձ, ուղղաթիռն անցել է Բուենոս Այրեսի վրայով մոտ 1000 մետր բարձրության վրա, չեմպիոններն օդից ողջունել են միլիոնավոր երկրպագուների ամբոխին։

Հիշեցնենք, որ Արգենտինան ԱԱ-2022-ի եզրափակչում հաղթեց Ֆրանսիային (3:3, 11 մետրանոցներ 4:2) և պատմության մեջ երրորդ անգամ դարձավ աշխարհի չեմպիոն։

Լրացուցիչ տեղեկությունների համար այցելեք կայք

Հայաստանի նորությունները Telegram-ում