Բրազիլական սուպերմոդել և Victoria's Secret-ի նախկին հրեշտակ Ադրիանա Լիման քննադատության է ենթարկվել ծննդաբերությունից հետո կազմվածքի փոփոխության պատճառով։ Այս մասին հայտնում է Daily Mail-ը։
41-ամյա Ադրիանա Լիման Քաթարում մասնակցել է ֆուտբոլի աշխարհի առաջնության շրջանակում անցկացված Qatar Fashion United by CR Runway-ի ցուցադրությանը: Սակայն մի քանի օր անց սոցցանցերի օգտատերերը նրան քննադատել են ծննդաբերությունից հետո կազմվածքի փոփոխության համար։ Մեկնաբանություններում նրանք գրել են. «Նա պետք է վերադառնա իր կազմվածքին», «Նա այլևս մոդելի տեսք չունի»:
Ադրիանա Լիման օգոստոսի 29-ին որդի է ունեցել իր ընկերոջից՝ կինոպրոդյուսեր Անդրե Լեմերսից։ Տղան լույս աշխարհ է եկել Քալիֆորնիա նահանգի Սանտա Մոնիկա հիվանդանոցում և անսովոր անուն է ստացել՝ Ցիան Լիմա Լեմերս։ Լիման նաև երկու դուստր ունի սերբ բասկետբոլիստ Մարկո Յարիչի հետ նախորդ ամուսնությունից՝ 12-ամյա Վալենտինա և 9-ամյա Սիեննա: