Daily Mail-ի լրագրողները հաշվարկել են Մեգան Մարքլի նոր զգեստապահարանի արժեքը 2022 թվականին՝ այն գնահատելով 79 հազար ֆունտ։ Այս մասին ասվում է պարբերականի կայքում։
Սասեքսի դքսուհին հայտնի է դիզայներական ապրանքանիշերի, թանկարժեք աքսեսուարների և շողշողացող զարդերի հանդեպ իր սիրով: ԱՄՆ-ից տեղափոխվելուց և թագավորական պարտականությունները կատարելուց հրաժարվելուց հետո Մարքլը դեռ շարունակում է հանրության առաջ հայտնվել նուրբ զգեստներով։
Դքսուհին ամենաթանկ կերպարը շրջել է այս տարվա ապրիլին Հաագայում Invictus խաղերի բացման արարողության ժամանակ։ Նա դուրս է եկել դիզայներական կոստյումով՝ 2 հազար ֆունտ արժողությամբ տաբատով և 12 հազար ֆունտ արժողությամբ Cartier վզնոցով։
2021 թվականին արքայազն Հարիի կինը Զգեստապահարանի վրա ծախսել է 58 հազար ֆունտ, իսկ 2020 թվականին՝ 44 հազար ֆունտ։
Մինչ Մեգան Մարքլը թագավորական ընտանիքի անդամ էր, աշխատանքային հանդիպումների համար նրա հագուստի ծախսերը հոգում էր Չարլզ III-ը, որը նա հատկացրել էր բյուջեից։