ҮШ ЧҮҮЛҮВҮСТҮ ДЕМНЕШТИРЭЭЛИҢЕР!
Бистиң Тыва Республикавыстың малчыннары болгаш чер-ажылдакчыларының хөй кезии тус черниң кижилери болганындан, Мерген Угааныг Богда башкывыска, буруузунган будүү сонуургалдыг кижилер бистиң аравыста хөй.
Байдал Бурганга сүзүглеливисти илередип номчуур тариналарывысты болгаш судур номувусту бөдүүн арга биле номчуп шингээткеш, сактып алырывың берге болганында.
Бир эвес Бурганга чоокшуладыр ыдыктыг номнарывысты шиңгээдип алырын күзээр болзувусса чүвени чоорту чедип ап, дакпырлажып улашкан тариналарның эгезин сактып ап, сеткилириңерде шимчээшкин бүрүзунде: ОМ А: ХУҢ – деп номчуп чоруур болзуңарза силерниң Богда бурганга чоокшулаарыңарга улуг идиг болур. Ол тарина сарыг шажынның ламаларының болгаш бөдүүн чүдүкчүлериниң Бурганга доктаамал чоок бооп чоруурунуң эптиг аргазы дыр.
ОМ (угаан, медерел), А: (амы тын), ХУҢ (чүрек, сеткил), кижини бар кылдыр бодарадып чоруур үш чүүлдерни каттыштырып чоруур ханы уткалыг тарина болуп турар.
Бо бердинген тарина кижини чугле-бодунче угланган, болгаш оон угаан медерел биле сайзыраарынга дузалыг. Бир кол чуве - ында, чугле бодунче
шупту кижиге чедип кээр Ыдыктыктыг Бышкывыстын тайылбыры.
Доктаамал болгаш хөй катап, дакпырлап чоруңар: «Ом а хуң. Ом а хуң. Ом а хуң.», оон чоорту Башкывыска болгаш ону долгандыр бодараан ыдык-чүүлге чоокшулаар силер. Ында кандыг-даа берге чуве чок, соглээн созунернин утказын сактып алырынарга силерге улуг дуза болур. Ол үш, демнешкен үзүк сөс силерге чүткүл-күштү улам немээр болгаш, улаштыр алды үзүг-сөстүг таринага чедер аргалыг болур силер.
ОМ МАНИ ПАДМЕ ХУҢ, деп номчуурда, ийи дугаар ажык үннерни узадыр адаңар. «Бүгү-ле бар амылыг чүүлге буян кежикти күзеп чор мен» деп очудурган ыдыктыг сөстер, номчуп чоруут болзувусса силерниң сеткилиңерге чоортур бодараар.Таринаны бодунун дылынга база номчуп болур - кандыг - даа чудулге кижинин сеткил-сагыжындан эгелээр. Ызыктыг состерни ынсаар эгелээр болзувусса улам сайзыраар бис.
Бир эвес хүннүң не бистиң номчуп чоруур «алды үзүглелдиг» таринавысты муң катап дакпырлап номчуп чоруур болзувусса, сеткиливиске чүдүлге тыптып, сагыжывыстың сүзүглелин чедип алыр бис. Өндүр Улуг Башкывыска мөгеер аргавыс ынчан тыптыр.
Бурганга бүзүрээр кижи чоорту бодунга база бузуреп чоруур апаар, бистиң Сарыг Шажынывыстың күчү күжү ында.
Бо, номнардан болгаш бистиң башкыларывыстан билип алган чүүлдеримни силерге чедирип, бистиң угаан-медереливисти, уран-сөзүвүстү, сагыш-сеткиливисти таварып тывылган ТЬVA ARAT RESPUBLIKA бистин демниг кужүвүстүң күчүзү болуп бодараандан бээр болганын, этем-угаанга кирген мерген сөсту таварыштыр байыр чедирип: «Угаанывысты, амы-тынывысты болгаш сагыш-сеткиливисти демнештирээлинер!» деп кыйгы салыр бодаан кижи мен, бистин дылывыс биле чингине дорт харылзашпаан солунннарның арынын таварыштыр чонга четпейн барды.
Ам база ла ол кыйгымны дорт, Социал четки таварыштыр илереттим: «Бодарап чоруур үш чүүлдеривисти демнештирээлиңер! Ом а: хоң!» эгезинде баштай кирген таринавысты амгы шагның негелдези биле ынчаар очулдурар апаар. Бүгү-ле бодувустуң болгаш төөгүвүстүң харылзаазы ол хире күштүг, ону утпайын, суларатпайын улам демнежиилиңер!