📍 У лістападзе 1896 года Адам Багдановіч (бацька Максіма Багдановіча) з дзецьмі пераехаў па службе ў Ніжні Ноўгарад. Тут у яго завязаліся сяброўскія адносіны з Максімам Горкім, з якім яны неўзабаве парадніліся.Горкі часта бываў у іх дома, ён аказаў уплыў на каханне хлопчыка да літаратуры. 📍 Падчас Рэвалюцыі 1905 года прымае ўдзел у вучнёўскіх і студэнцкіх дэманстрацыях, за што атрымлівае атэстацыю «нядобранадзейнага вучня». 📍 Скончыўшы ў 1911 годзе гімназію, М. Багдановіч наведвае Вільню, дзе знаёміцца з Вацлавам Ластоўскім, Іванам і Антонам Луцкевічамі ды іншымі дзеячамі беларускага Адраджэння. 📍 У перыяд 1909—1913 гадоў паэт перакладае на беларускую вершы Авідзія, Гарацыя, французскага паэта Поля Верлена. 📍 Максім Багдановіч падтрымліваў цесную сувязь з Яраслаўскай беларускай радай, якая аб'ядноўвала бежанцаў-беларусаў Першай сусветнай вайны.