Մենք նպատակ ունենք բանակի հիմնական մասը դարձնել պրոֆեսիոնալ, բայց հաշվի առնելով առկա իրողությունները կպահպանենք նաև ժամկետային զինծառայությունը։ Այս մասին «Հանրային» հ/ը-ի եթերում հայտարարեց ՊՆ նախարար Սուրեն Պապիկյանը։
«Ժամկետային զինծառայողւթյունը կդառնա պրոֆեսիոնալ բանակի հիմնական ռեսուրսը։ Սա նշանակում է, որ ուսումնական գումարտակում սովորելուց հետո յուրաքանչյուր շարքային ժամեկտային զինծառայողին պայմանագիր կնքել ՊՆ-ի հետ, հանձնել ատեստացիան և դառնալ պրոֆեսիոնալ զինվորական։ Սա ենթադրում է, որ 6 ամիս ծառայելուց հետո նա դառնում է պայմանագիր, վաստակում է այնքան, որքան նախատեսված է պայմանագրայինների համար։ 5 տարի ծառայելուց հետո, որից 1.5 տարին իր հինական ժամկետային զինծառայությունն է, ստանում է ևս 5 մլն դրամ պարգևավճար»,-հայտարարեց Պապիկայնը։
Ըստ նախարարի՝ իր ծառայության ընթացքում նա կարող է զեկուցագիր գրել և տեղափոխվել իր համայնքի հատվածում ծառայության։ «Եթե բնակիչը ոչ սահմանային համայնքի բնակիչ է, կդիտարկենք նաև տվյալ զորամասում ծառայության։ 5 մլն դրամի ստանալուց հետո զինծառայողն իր հայեցողությամբ է տնօրինում այդ գումարը»,-հայտնեց նախարարը։
Նախարարի փոխանցմամբ՝ ներդրվում է պորֆեսիոնալ ժամկետային զինծառայության համակարգ։ «Այն պայմանագրայինները, որոնք աչքի կընկնեն, նրանց կդիտարկենք պորֆեսիոնալ սերժանտական ծառայության մեջ»,-նշեց նա՝ հավելելով, որ շտաբային զինծառայության մեջ ներգրավվելու դեպքում նրանք նաև սպաներին հավասար որոշումներ կայացնելու իրավասություններ կունենան։