Karma – Sanskrit tilidan tarjima qilinganda “Karma” yoki “Kamma” so‘zlari “harakat”, “faoliyat”, “burch” degan ma’nolarni anglatadi.
Ko‘p insonlar karmani jazo so‘zi bilan sinonim deb o‘ylashlari mumkin, ammo aslida bunday emas. Dastlab insonlar dunyoda yaxshi va yomon narsalar yo‘q, faqat oq va qoraga bo‘linish bor deb o‘ylashgan. Ya’ni shunchaki turli oqibatlarga olib keladigan voqea, hodisa va harakatlar mavjuddir. Masalan, agar siz yerga atayin suv to‘ksangiz – ko‘lmak hosil bo‘ladi, qo‘lingizni asalari uyasiga tiqsangiz – og‘riqni his qilasiz. Qoida esa oddiy: sabab – bu oqibat. Oyoq kiyimingiz xo‘l bo‘lishini xohlamasangiz yerga suv to‘kmang, qo‘limni ari chaqib olmasin desangiz ari uyasiga qo‘l suqmang.
Karmaning turli ko‘rinishlari, turlari va qonunlari bo‘lib. Quyida siz bilan karma qonunlari haqida suhbatlashamiz.
• Birinchi qonun – nima eksang, shuni o‘rasan. Unutmang, har qanday ishning natijasi, har qanday harakatning oqibati bor.
• Yaratish qonuni – ma’lum bir shaxsning karmasi, butun jamiyat karmasiga ta’sir o‘tkazadi.
• Ko‘nikish qonuni – o‘z holatingizni anglab, qabul qilgan holdagina uni o‘zgartirish mumkin.
• Rivojlanish qonuni – har bir inson ichki yuksalishga harakat qilishi kerak. Ruhiyatini, ichki olamini o‘zgartira olgan insongina tashqi hayotini o‘zgartirishga erisha oladi.
• Aloqa qonuni – hatto faqat birgina harakat ham butun hayotingizni o‘zgartirib yuborishi mumkin. Nafaqat sizning, balki boshqalar hayotini ham o‘zgartirib yuboradi.
• Ma’suliyat qonuni – siz bilan sodir bo‘layotgan ishlar o‘z qo‘lingizda.
• Fokus qonuni – qayerga e’tibor qaratsangiz, shu yerda energiya mavjud. Shuning uchun aynan ma’lum bir narsaga e’tibor qarating.
• Minnatdorchilik qonuni – o‘z holatingiz uchun shukr qiling. O‘zingizda bor narsalarga minnatdorchilik bildiring va quvonchingizni boshqalar bilan bo‘lishing.
• “Shu yerda” va “hozir” qonuni – o‘tmish endi yo‘q, kelajak hali boshlanmadi. Faqatgina “hozir” bor, siz ta’sir o‘tkaza oladigan va o‘zgartiradigan vaziyat faqatgina “hozir”dir.
• O‘zgarishlar qonuni – siz bo‘lib o‘tgan ishlar va omadsizliklardan xulosa chiqarsangizgina o‘zingiz istagan o‘zgarishlar sodir bo‘la boshlaydi. Aks holda o‘sha “darslar” takrorlanaveradi.
• Sabr va mukofot qonuni – biror narsaga erishish uchun harakat qilish, sabr bilan kutish kerak, shundagina haqiqiy mukofotga erishasiz.
• Ahamiyat va ilhom qonuni – sizni ilhomlantiradigan narsagina siz uchun ahamiyatga ega hisoblanadi. Qolgan narsalar esa ikkinchi darajalidir. Shuning uchun ham doimo o‘zingiz ilhom oladigan narsalarga e’tibor qarating.
Yuqoridagi qonunlarni nafaqat bilish va xulosalar chiqarish, balki ularga amal qilgan holda, hayotda ham qo‘llash kerak.