Turkiya va AQSh yozuvchisi Elif Shafaq tomonidan yozilgan “Ishqqa oid 40 qoida” asari bugungi kun bestselleriga aylanishga ulgurdi. Unda ishq tuyg‘usi mahorat bilan yoritib berilgan. Asarning o‘qilishi oson, hazmi yengil hisoblanadi. Undagi fikrlar insonni mulohazaga chorlaydi. Quyida ushbu asarni o‘qib chiqishingizga undovchi iqtiboslarni keltirib o‘tamiz.
1. “Ba’zilarning fikrlari aksi o‘laroq, sevgi (ishq) faqat kutilmaganda keladigan va tez ketadigan shirin tuyg‘ugina emas”;
2. Aytadilar-ku, aqldan ozish bilan o‘zingdagi Xudoni topish orasidagi masofa juda qisqa deb;
3. Tushlar – hayotimizning bir qismi va ular Xudoning irodasi bilan ko‘riladi;
4. Ishq kutmagan vaqtingizda va kutmagan yeringizda Sizni kutib oladi;
5. Xudo biz haqimizda aytgan so‘zlarimizga qarab hukm chiqarmaydi. U bizning qalbimizga teran nazar soladi;
6. Zero, xiyonatning o‘z isi bo‘lar ekan;
7. Hech nima erning esiga uyi borligini yangi yopilgan nonchalik solib tura olmaydi;
8. Odamlar odatda o‘zlari tushunmaydigan narsalarga beparvo munosabatda bo‘lishadi;
9. Odamlar bilimsizlikni afzal ko‘rganlari bejizga emas. Bilmasliging – baxting;
10. Qirq qoidaning bittasi shu. “Agar odamlarning senga munosabati o‘zgarsin desang, avval o‘zingning o‘zingga munosabatingni o‘zgartir. O‘zing o‘zingni chin qalbdan sevishni o‘rganmaguningcha, seni hech kim seva olmaydi”;
11. Odamlar Xudo bilan bog‘lanishni yo‘qotgan zahoti yo‘ldan toyadilar;
12. Oqimda suzma, oqimning o‘zi bo‘l;
13. Xudo azob-u uqubatlarni quvonchlar yorqinroq bo‘lishi uchun yaratgan;
14. Agar sevib qolgandek bo‘lsak, o‘z hissiyotimizga iqror bo‘lishimiz uchun ham 40 kun kerak;
15. Agar biz Xudoning yaratmishlarini seva olmasak, Xudoni ham chinakamiga seva olmaymiz va bila olmaymiz.