Barchamiz ham ertami-kechmi qiyin, yechimi yo‘qdek tuyulgan vaziyatlarga duch kelamiz. Avvaliga bunday vaziyatlardan qanday chiqib ketishni o‘ylab boshimiz qotgan bo‘lsa, keyinchalik esa, vaqtlar o‘tib, biz bu hodisalardan qimmatli xulosalar chiqarganimiz, muhim narsalarni o‘rganganimizni tushunib yetamiz. Quyida shu kabi qiyin vaziyatlardan o‘rganishimiz mumkin bo‘lgan muhim xulosalar haqida so‘z boradi.
1. Boshqalarning tuyg‘ulari uchun biz mas’ul emasmiz. Stressli holatlar va depressiyani barcha turlicha bosib o‘tadi. Bunday vaziyatlarda kimdir yordam so‘raganida yordam berishga majbur emasmiz. Ayniqsa, ular so‘ragan narsa bizning istaklarimizga qarshi bo‘lsa, rad javobini berishga haqqimiz bor. Shuningdek, kimlargadir, nimalarnidir isbotlashingiz kerak emasligiga ham amin bo‘lasiz.
2. Zararli insonlarga hayotimizda o‘rin yo‘q. Hayotidagi qiyin davrni yashab o‘tayotgan insonning, zararli, unga salbiy ta’sir o‘tkazuvchi insonlarga vaqti yo‘q. Ularga vaqt ajratishning o‘rniga, bu kabi insonlar bilan aloqani uzishni boshlaydi.
3. Sevgi qayg‘u keltirishi kerak emas. Qiyin davrlardan o‘tgan inson "sevgi qayg‘u yoki ma’suliyat emas, qo‘llab-quvvatlash, dardini yengillashtirish, bir-birini tushunish demakdir” degan fikrga keladi.
4. Atrofingizdagi insonlar muhim ahamiyatga ega. Siz qiyinchilikka duch kelasizmi yoki muvaffaqiyatga erishasizmi, har qanday holatda ham yoningizda siz bilan, o‘z tuyg‘ularini namoyon eta oladigan, sizga hasad qilmaydigan, qo‘llab-quvvatlaydigan insonlarni topish bir muncha mushkul. Ammo shunday insonlarni topdingizmi, demak siz baxtlisiz. Hayotingizdagi mushkul vaziyatlar esa, nafaqat siz, balki ular uchun ham bir sinovdir.
5. Pullar hayotda muhim o‘rin egallamaydi. Albatta, “pullar hayotimiz uchun muhim hisoblanadi, u biz uchun istagan eshiklarimizni ochib beradi” degan fikrda bo‘lishimiz ham mumkin. Ammo qiyin vaziyatlardan o‘tgan insonlar, hatto pullar ham ularni bu vaziyatdan qutqara olmaganini aytib o‘tishgan. Bundan xulosa chiqadiki, pullar haqiqatdan ham hayotimizda unchalik muhim emas.
6. O‘z tanangizni tushuna boshlaysiz. Shundagina barcha uxlashi kerak bo‘lgani uchun emas, haqiqatda uxlagingiz kelayotgani uchun uxlaysiz, qorningiz ochganidagina ovqatlanasiz. Organizmingiz sizning maslahatgo‘yingizga aylanadi, u sizga nima kerakligini o‘zi ogohlantirib turadi.
7. Pozitiv fikrlash bu faqatgina “hammasi yaxshi bo‘ladi” deyish emas. Mushkul vaziyatlarni yashab o‘tganingizdan keyin siz pozitiv fikrlashni boshlaysiz, lekin bu hammasi o‘z-o‘zidan hal bo‘lib ketadi deb kutib o‘tirish emas. Shunchaki, sizda bugun nimadir o‘xshamay qolgani, xafa bo‘lib, barcha ishni yo‘lda tashlab ketishga sabab bo‘lishi kerak emasligini tushunishdir.