В 1863 году иеромонах Паисий прибыл с Афона для сбора пожертвований в г. Слободской Вятской губернии и привез с собой данный образ Богородицы.
Кондак 1
Взбранней Воеводе Владычице нашей Богородице, даровавшей нам пречудную икону Свою «В скорбех и печалех Утешение», благодарственное приносим пение. Ты же, Пренепорочная, приими молитвы наша и от всяких бед заступи рабы Твоя, с верою и любовию вопиющия Ти: Радуйся, Владычице, в скорбех и печалех нас присно утешающая.
Кондак 2
Видяще Тя на иконе Твоей святей, Богомати Пречистая, Богомладенца Христа на руках Твоих держащую и ликами святых окружаемую, умиляемся душами нашими и благоговейно с любовию покланяемся пречистаго лика Твоего изображению, зовуще Сыну Твоему Христу Богу: Аллилуиа.
Кондак 3
Силу Божественныя благодати даруеши, о Богомати, всем с верою и любовию прибегающим ко всечестному покрову Твоему; и нас, недугующих телом и душею, Благая Владычице, свыше укрепи и посещения Твоего сподоби, да спасаемии Тобою, непрестанно вопием Богу: Аллилуиа.
Кондак 4
Бурею многих бед одержимым нам помогаеши, Небесная Царице, с верою прибегающим к Тебе и покланяющимся цельбоносному образу Твоему, егоже милостиво явила еси нам во утешение, да прославляя милость Твою, нам ниспосланную, рожденному от Тебе Спасителю мира зовем: Аллилуиа.
Кондак: православный-молитвослов.рф
Источник: Весь Искитим