Իրանը մեկ ամսվա ընթացքում կկարգավորի Եվրասիական տնտեսական միության հետ ազատ առևտրի գոտու (ԱԱԳ) ստեղծման պայմանավորվածությունները։ Այս մասին ТАСС-ի փոխանցմամբ՝ չորեքշաբթի հայտնել է Իրանի առևտրի, արդյունաբերության և հանքերի փոխնախարար, առևտրի զարգացման կազմակերպության ղեկավար Ալիռեզա Փեյմանփաքը։
«Հաշվի առնելով, որ մեկ ամսվա ընթացքում կավարտվեն ԵԱՏՄ-ում Իրանի ներկայության վերաբերյալ վերջնական պայմանավորվածությունները, դա կարող է դրական գործոն լինել, որը կազդի համատեղ համագործակցության վրա», - ասել է նա:
Փոխնախարարի խոսքով՝ Իրանը նույնպես շահագրգռված է ԵԱՏՄ-ի հետ համագործակցությամբ ազատ տնտեսական գոտու ստեղծմամբ և պատրաստ է իր ծովային նավահանգիստների ենթակառուցվածքը տրամադրել համապատասխան նախագծերի իրականացման համար: