Молитвы от наведенных болезней

Причиной наведенной болезни может стать сильный гнев или даже проклятие человека, негативно относящегося к больному. При наведенных болезнях ежедневно читают молитвы Пресвятой Троице, Пресвятой Богородице, Иисусу Христу (на избавление от порчи), Апостолу и евангелисту Иоанну Богослову, Апостолу и евангелисту Марку, а также молитвы об изгнании злых духов, бесов, дьяволов, болезней и молитву об исцелении больного.

Молитва ко Пресвятой Троице

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имени Твоего ради. Господи, помилуй (трижды). Слава Отцу и Сыну и Святому Духу, и ныне и присно и во веки веков. Аминь.

Молитвы ко Пресвятой Богородице

• О Пресвятая Госпоже Владычице Богородице, вышши еси всех Ангел и Архангел, и всея твари честнейши; помощнице еси обидимых, ненадеющихся надеяние, убогих заступнице, печальных утешение, алчущих кормительнице, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице Владычице, милостию Твоею спаси и помилуй святейшия патриархи православныя, преосвященныя митрополиты, архиепископы и епископы и весь священнический и иноческий чин, и вся православныя христианы ризою Твоею честною защити; и умоли, Госпоже, из Тебе без семене воплотившагося Христа Бога нашаго, да препояшет нас силою Своею свыше, на невидимыя и видимыя враги наша. О Всемилостивая Госпоже Владычице Богородице! Воздвигни нас из глубины греховныя и избави нас от глада, губительства, от труса и потопа, от огня и меча, от нашествия иноплеменных и междоусобныя брани, и от напрасной смерти, и от нападения вражия, и от тлетворных ветр, и от сиертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечнии, ежи ко спасению; и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословенна и препрославлена, со Безначальным Его Отцем и с Пресвятым и Благим и Животворящим Его Духом, ныне и присно и во веки веков. Аминь.
• О Пресвятая Богородице! Призри с благосердием на моления нас, грешных и смиренных рабов Твоих, и умоли Бога, Сына Твоего, да ниспослет нам и всем, притекающим к Тебе, здравие душевное и телесное и вся, яже к вечной и временной жизни потребная, да простит нам всякое согрешение - вольное и невольное: да избавит нас от всяких скорбей и болезней, и напастей и всякаго злаго обстояния. Ей, Царице наша преблагая, надеждо наша несокрушимая и заступнице необоримая! Не отврати лица Твоего от нас, за множество прегрешений наших: но простри нам руце матерняго милосердия Твоего, и сотвори с нами знамение во благо. Яви нам богатую помощь Твою и благопоспеши во всяком деле благом; от всякаго же начинания греховнаго и промышления лукаваго отврати нас, да выну славим Пречестное имя Твое и поклоняемся честному образу Твоему, и величаем Бога Отца, и Единородного Сына Его, Господа нашего Иисуса Христа, и Святаго Духа, со всеми святыми, во веки. Аминь.
• Пресвятая Богородице, спаси нас. Многими содержим напастьми, к Тебе прибегаю спасения иский. О Мати Слова и Дево, от тяжких и лютых мя спаси. Пресвятая Богородице, спаси нас. Страстей мя смущают прилози, многаго уныния исполнити мою душу: умири Отроковице, тишиною Сына и Бога Твоего, Всенепорочная. Аминь.