Белгәнебезчә, Идел буе Болгарында ислам динен кабул итүгә - 1100 ел тулды. Май аенда Россиянең барлык төбәкләрендә бәйрәм чаралары уздырылды. Төп тантаналар Казанда, Болгарда узды. Бу чараларда безнең өлкәдән дә мөфти Талип хәзрәт Яруллин җитәкчелегендә кырыклап дин әһеле катнашты.
Бу зур вакыйгага багышланган чаралар уздыру әле дә булса дәвам итә. Безнең район да читтә калмаска булды һәм “Туган як” җәмгыяте җитәкчесе Раилә Нәгыйм кызы Сафина тәкъдиме белән дини бәйге үткәрергә карар кылды.
5 ноябрь көнне район Мәдәният йортында бәйгенең беренче туры узды һәм анда алтмышлап бала катнашты.
12 ноябрьдә сәгать 14.00 дә бәйгенең дәвамы, төп өлеше узачак, Аллаһы теләсә, язган булса. Әлбәттә бу чарага Казаннан,
Самарадан да кунаклар көтелә. Барлык дин кардәшләребезне дә чарага чакырабыз!
автор Рәйсә Төхбәтшина