ՀԱՊԿ գլխավոր քարտուղար Ստանիսլավ Զասը հայտարարել է, որ կազմակերպությունը Հայաստանին օգնության մի ամբողջ համալիր միջոցներ է առաջարկել, այդ թվում՝ Ադրբեջանի հետ սահման առաքելություն ուղարկել, որը կգնահատի իրավիճակը:
Ինչպես հաղորդում է РИА Новости -ն, բելառուսական ОНТ հեռուստաալիքին տված հարցազրույցում Զասը նշել է, որ իրավիճակը բարդ է, առաջին հերթին Հայաստանի և Ադրբեջանի սահմանին, այնտեղ գրեթե ամեն օր փոխհրաձգություններ են տեղի ունենում:
«Ընդհանուր առմամբ այն միջոցառումների համալիրը, որն առաջարկվում է ՀԱՊԿ-ի կողմից որպես օգնություն Հայաստանին, իսկ այնտեղ միջոցառումները տարբեր են՝ և՛ քաղաքական-դիվանագիտական, և՛ ռազմական, այդ թվում՝ առաքելության ուղղությունը դեպի այդ սահման, որն իրապես կգնահատի իրավիճակը, նրանք ընդհանուր առմամբ աջակցություն են գտել բոլոր պետություններից», - ասել է Զասը:
Նրա խոսքով՝ «միակ բանը, որին չի հաջողվել հասնել, այն իրավիճակի համախմբված գնահատականն է, որն այնտեղ ստեղծվել է»:
Երևանում նոյեմբերի 23-ին կայացել է ՀԱՊԿ գագաթնաժողովը։ Հայաստանի վարչապետ Նիկոլ Փաշինյանը գագաթաժողովի ընթացքում չի ստորագրել ՀԱՊԿ Հավաքական անվտանգության խորհրդի հռչակագրի և Հայաստանին օգնություն ցուցաբերելու միջոցառումների մասին նախագիծը: