Biror insonni qattiq sevganimiz yoki unga bog'lanib qolganimiz sababidan undagi ko'p nuqsonlarga ko'z yumamiz. Ammo shunday "minus"lar borki, ularga ko'z yumishingiz munosabatlaringiz bilan birga sizni ham tublikka tortib ketaveradi. Quyida juftingizdagi befarq bo'lishingiz kerak bo'lmagan sifatlar haqida so'z boradi.
1. O'zini qattiq yaxshi ko'radi
O'z qadrini bilish, o'zini hurmat qilish bilan narsistlik va neadekvat samootsenka orasida farq bor. Ayniqsa agar sobiq juftlarini "yetarli darajada yaxshi" yoki "unga mos emasligi" sababidan tashlab ketgan bo'lsa, bu haqiqiy qizil bayroq.
2. Olamining markazisiz
Bir-biringizni sevib yashashingiz yaxshi, ammo bir-biringizga moliyaviy, ruhiy va hissiy tomondan bog'langan bo'lishingiz qizil bayroq deganidir. Har biringiz avvalo o'zingizni sog'lom shaxs sifatida shakllantira olgan bo'lishingiz kerak. Unutmang, sog'lom munosabatlarni faqatgina ruhan sog'lom insonlar qura olishadi.
3. U doim aybdor qidiradi
O'z ayblari va mag'lubiyatni boshqalarga yuklashi hali kelajakda siz uchun ham keng miqyosdagi muammolarni yaratishi mumkin.
4. Ish jadvaliga moslashishingiz kerak
Band ekanligi - muammo emas, ammo yigitingiz uning ish tartibiga moslashishingizni istayotgan bo'lsa, katta ehtimol bilan munosabatingiz xohish istaklar emas, uning qulayligi ustiga qurilmoqda.
5. Muloqotda qiyinchilik sezasiz
O'z tuyg'ulari haqida hamma ham ochiq ayta olmaydi va agar juftingiz bilan munosabatda qiyinchilik his qilsangiz, u sizdan nimadirlar yashirayotgani yoki ayta olmayotganini sezsangiz demak u nimadandir norozi ammo buni sizga ayta olmayapti. Aslida esa har ikkingiz ham tuyg'ularingizni bir-biringizga ochiq ayta olishingiz kerak. Shundagina muammolaringizni hal qila olasiz va haqiqiy hissiy yaqinlik his qilasiz.
6. Yolg'onni his qilasiz
Bu muloqotdagi qiyinchilik bilan bog'liq bo'lishi mumkin ammo o'z tuyg'ularini gapirishga qiynaladigan yigit bilan ochiqchasiga yolg'on gapiradigan yigitning farqi katta.
7. "Yorliq"lar osishni istamaydi
Agar gaplashayotganingizga endi bir hafta bo'lsa buni tushunsa bo'ladi, ammo munosabatlarning ma'lum bir bosqichida o'zingiz uchun ba'zi narsalarni aniqlashtirib olishingiz kerak. Masalan, bir-biringizning hayotingizdagi o'rningiz, do'stlar va yaqinlar bilan tanishish degandek.
8. Ambitsiya va maqsadlari yo'q
Agar yigit bu hayotdan nimani xohlashini ayta olmasa va hech narsaga erishishga intilmasa, munosabatlaringiz boshida balki quvnoq bo'lar va lekin tez orada siz uning yonidagi hayot zerikarli ekanligi va u ambitsiyasiz odamligini tushunasiz. Shuningdek, bunday insonlar sizni faqat pastga tortadi.
9. Nega siz bilan ekanligini bilmaydi
Albatta, munosabatning har bo'limida bir-biringizga kimligingiz va statusingizni so'roqlayverishingiz shart emas, axir inson ba'zida hech narsaga qaramay hech narsani o'ylamay birga bo'lishni istaydi. Ammo hech bo'lmaganda bir-biringizni aynan nima bog'lab turishini tushunishingiz kerak.
10. U haqida sizni ko'p ogohlantirishadi
Reputatsiya o'zidan-o'zi paydo bo'lmaydi, unga insonlar arzishlari kerak. Va u haqida yomon gaplarni birnecha marta birnecha xil insonlardan eshitganingizda o'ylab ko'ring, balki ular siz hali sezib ulgurmagan narsani bilishar. Albatta faqat o'zingiz u bilan bo'lish-bo'lmaslikni hal qilasiz, ammo uni anchadan buyon taniydigan insonlarning gaplariga quloq solmasangiz, vaqti kelib ular haq bo'lgani haqida afsus bilan eslashingiz mumkin.