“Ракни олдини олиб бўлмайди” дегани бекарчи гап. Ракни сезиларли даражада камайтириш мумкин.
Алкоголдан, никотиндан узоқроқ юриб, спорт билан шуғулланиб, қуёш нурларининг тўғридан-тўғри тушишидан сақлансангиз мутаҳассисларнинг фикрича 70%гача рак бўлиш эҳтимолини камайтиради.
Доимий тиббий кўрик ҳам асосий талаблардан бири. Шунда мабодо рак бўлса ҳам эртароқ аниқлаб, эртароқ даволаниб, ракдан бутунлай қутулиш мумкин. Ўзи ракни қанча эрта аниқланиб, даволанса, яъни атрофга тарқалмай туриб, даволанса, шунча самарали бўлади.
Тиббий кўрик нима энди... масалан, 18 ёшдан бошлаб аёллар йилига 3 марта қин суртмаси топширса, цитология қилинса, бачадон бўйни ракини эртароқ аниқлаш мумкин. Аёллардаги ракларнинг энг кўпларидан бири бу. Ўшани олди олинса ҳам рақамлар анча камаяди. Ёки 40 ёшдан ошган аёлларни йилига икки марта маммография қилинса, сут бези ракини эрта аниқлаш мумкин. Буям кенг тарқалган ўсмалардан бири. Ёки эркакларни даврий равишда простата бези ракига текшириб туриш керак.
Хуллас эринмай, тиббий кўрикдан сифатли ўтилса соғлиқ учун анча фойда.
@doctorYakubjonov