Kompaniyaning qo‘llab-quvvatlash xizmatiga “Kundalik” tizimi xakerlik hujumlari va buzib kirishlardan qanchalik himoyalanganligi mazmunidagi savollar tez-tez kelib turadi. Mazkur maqolada biz himoya mexanizmlari haqida batafsil ma’lumot beramiz.
Axborot tizimlariga ruxsatsiz kirishning ikkita usulimavjud. Birinchisi: dasturiy ta’minot va texnologik himoyani yengish orqali. Buning uchun tajovuzkorlar dasturiy ta’minot va yondashuvlardan foydalanishadi. Masalan, sql-in’ektsiyalari, DDoS-hujumlari, botnetlar, troyan dasturlar va boshqa viruslar. Mazkur turdagi tahdidlarning barchasi axborot texnologiyalari olamida yaxshi ma’lum va ularning har biri uchun o‘ziga xos kurash usullariga mavjud.
“Kundalik”da xakerlik hujumlaridan himoya qilishning zamonaviy usullaridan foydalanadi: platforma infratuzilmasi global internetdan yopilgan himoyalangan ma’lumotlar markazida joylashgan, dasturiy ta’minot muntazam ravishda yangilanadi, virusga qarshi vositalar qo‘llaniladi, bu esa infratuzilmani ma’lum zaifliklardan himoyalangan holda saqlash imkonini beradi. Albatta, maxsus monitoring asboblari, antiflud-filtrlar ham mavjud. Bu xakerlik urinishlarni kuzatish va ularning oldini olish imkonini beradi. Zamonaviy ishlab chiqarilgan platformalaridan foydalanish - hujumlarga qo‘shimcha mustahkamlikni ta’minlaydi.
Shifrlangan https protokolini ishlatish - foydalanuvchini o‘zgartirish va kalit so‘zni dasturiy uslub orqali o‘g‘irlash tahdididan himoya qiladi. O‘ziga xos hiylalar ma’lumotlarni – ham mumkin bo‘lgan nusxalashdan himoya qilishni, ham uskunalar ishdan chiqqan taqdirda ularni saqlab qolishni nazarda tutadi”, - deydi “Kundalik” kompaniyasining texnik direktori Aleksey Rogojin.
Tizimga ruxsatsiz kirishning ikkinchi usuli inson omili bilan bog‘liq.
Raqamli xavfsizlik asoslarini bilmagan foydalanuvchilar osonlikcha fishing hiylalariga tushib qolishadi, o‘z akkauntlari uchun juda jo‘n yoki oson taxmin qilish orqali topish mumkin bo‘lgan zaif parollar yaratadilar va jamoat joylarida o‘zlarining hisob ma’lumotlarini qoldiradilar. Masalan, do‘kon kassasida bank kartasining “pin-kod”ini oshkora ma’lum qilganlari kabi.
Mazkur turdagi tahdidlarga qarshi kurashish uchun “Kundalik” turli funksional rollarga ega foydalanuvchilar uchun login va kalit so‘zlarga qo‘yiladigan talablar darajasida himoya vositalari to‘plamini, shuningdek, har bir funksional akkaunt roli uchun ma’lumotlarga kirishni farqlashni ta’minlaydi.
Foydalanuvchilardan asosiy xavfsizlik qoidalariga rioya qilishlarini va karta maʼlumotlarini begonalar bilan baham koʻrmasliklarini, “Kundalik” obunasi uchun boshqa yoʻl bilan toʻlashni soʻraganlar bilan yozishmalarga kirishmasliklarini soʻraymiz. “Kundalik”da profil xavfsizligini o‘rnatish bo‘yicha ko‘rsatmalar bilan mazkur havola orqali tanishishingiz mumkin.
