"Har bir qiz har munosabatlarini "butun umrlik" deb o’ylaydi" degan fakt ko’pchiligimizga sir emas. Xo’sh, munosabatlaringiz haqiqatdan ham "butun umrlik" ekanligini qanday bilish mumkin? Quyida shu haqida so’z boradi.
1. Bir-biringizning ustingizdan kula olasiz
Lekin unutmang, avval ham ta’kidlaganimizdek, sizning ustingizdan kulish bilan, siz bilan kulishning farqi katta.
2. Har kuni muhabbatingizni turli usullar bilan izhor qilish usullarini topa olasiz
Bu har kuni har xil tilda "Men seni sevaman" deyish emas. Aksincha, sevgi "sog’lom" munosabatlarda g’amxo’rlik, mehr, hurmat va ishonch kabi tuyg’ular orqali ifodalanadi. Har kuni turli g’amxo’rliklar va mehr ko’rsatishingizning o’zi muhabbatingiz izhoridir.
3. Bir-biringizni muhokama qilmaysiz
Bu yerda bir-biringizni to’g’ri tanqid qila olish emas, bir-biringizdan ayb qidirmasligingiz haqida so’z boryapti. Davomli munosabatlarda juftlik bir-birini ayblab, muhokama qilgandan ko’ra, muammoni muhokama qilib, unga yechim topishni afzal ko’rishadi.
4. Hisob-kitob qilmaysiz
Qilgan g’amxo’rliklaringiz va bergan mehringiz evaziga nimadir kutmasligingiz nazarda tutilmoqda. Uni hech narsa kutmay yaxshi ko’rasiz va mehr berasiz.
5. Kamchiliklaringizni bilasiz va ular ustida ishlaysiz
U sizni qanday bo’lsangiz shundayligingizcha sevishi o’z yo’liga. Ammo munosabatlaringizga halal beruvchi kamchiliklaringiz (o’ta ketgan rashkchilik, ortiqcha g’urur, egoizm) ustida ishlanadi davomli munosabatlarda.
Unutmang, yuqorida keltirilgan belgilar haqiqatan ham bir-biriga qalban yaqin bo’lgan insonlarning "sog’lom" munosabatlarida bo’ladigan belgilardir. Yosh bolalarcha qurilgan munosabatlarning bunga umuman aloqasi yo’q!