Իրանն ուրանի հարստացումը հասցրել է մինչև 60 տոկոսի։ Այս մասին հայտնում է ISNA գործակալությունը։
Նշվում է, որ Իրանն ուրանի հարստացում սկսել է Ֆորդոյի միջուկային համալիրում։
«Ի պատասխան Ատոմային էներգիայի կազմակերպության որոշման՝ Ֆորդո համալիրում Իրանն սկսել է մինչև 60% հարստացված ուրանի արդյունահանումը, որը երկուշաբթի առավոտյան հասել է կայուն փուլի»,- գրում է աղբյուրը։
Նշվում է նաև, որ Ֆորդոյի օբյեկտում նոր սերնդի IR-6 ցենտրիֆուգները փոխարինել են հներին, իսկ Նաթանզի օբյեկտում օգտագործվում են IR-4 և IR-2m ցենտրիֆուգների կասկադներ:
Օգոստոսին ՄԱԳԱՏԷ-ի փորձագետները դատապարտել էին Իրանին՝ Նաթանզում ստորգետնյա օբյեկտում ուրանի մինչև 5% հարստացումը շարունակելու համար: 2015 թվականի Իրանի միջուկային համաձայնագրով թույլատրված ուրանի հարստացման մակարդակը չպետք է գերազանցի 3,67 տոկոսը։
Լրացուցիչ տեղեկությունների համար այցելեք կայք
Հայաստանի նորությունները Telegram-ում