Атыраудағы үш мектепке Әбіш Кекілбаев пен басқа да тұлғалардың есімі берілді, деп хабарлайды Bugin.kz порталы.
«Келесі білім беру ұйымдарына:
1) «Атырау облысы білім басқармасы» ММ Атырау қаласы білім басқармасының «№ 40 орта мектебі» КММ-не Зейнолла Қабдоловтың есімі;
2) Атырау облысы білім басқармасының Атырау қаласы білім бөлімінің Әбіш Кекілбайұлы атындағы «№41 мектеп-гимназиясы» КММ;
3) Атырау облысы білім басқармасының «Нұрлан Балғымбаев атындағы Атырау қалалық білім бөлімінің No 42 орта мектебі КММ» делінген үкіметтің күшіне енген қаулысында.
Зейнолла Қабдолов – қазақ және кеңес жазушысы, драматург, аудармашы, әдебиеттанушы. Көптеген құрметті атақтардың иегері, сыйлықтардың, медальдардың және мемлекеттік наградалардың лауреаты.
Әбіш Кекілбаев – қазақстандық қоғам және саяси қайраткер, Қазақстанның еңбек ері, Қазақстанның халық жазушысы, Қырғыз Республикасының еңбек сіңірген мәдениет қайраткері. Сондай-ақ тағы да басқа көптеген марапаттар мен сыйлықтардың иегері және лауреаты.
Нұрлан Балғымбаев – қазақстандық мемлекет қайраткері, Қазақстанның бұрынғы премьер-министрі, екі «Барыс» орденінің, түрлі медаль иегері.