Кўпгина оилаларда туғруқдан кейинги жинсий ҳаёт тубдан ўзгаради. Бу чарчоқ, уйқусизлик ва оиладаги янги меҳмонга боғлиқ руҳий ўзгаришлар билан боғлиқ. Болалар катта бўлгач, жинсий алоқа учун етарли вақт бўлганда эса, ҳоҳиш бўлмайди. Бундай ҳолатда нима қилиш керак?
Социологлар ўтказган сўровномада 86% эмизикли аёллар жинсий ҳаёти нормада эмаслигини билдирган. Ўсмир болаларга эга 73% жуфтликлар эса ўша – туғруқдан кейинги даврдан бери жинсий ҳаёт аввалгидек эмаслигини айтишган. Бу албатта саломатликда ўз изини қолдирмай қолмайди. Хўш, бундай ҳолатда нима қилиш керак?
- Жуфтликнинг бирга бўлиши. Кўпчилик ота-оналар жинсий алоқа йўқлигининг асосий сабаби қилиб ўзларининг бирга эмаслигини келтиришган. Кечқурун ётоқхонага кирганда кўпинча чарчоқ жинсий алоқага ҳоҳишдан устун келишини билдирган. Аввалгидек ўзаро муҳаббатни тиклаш учун бирга бўлишга вақт ажратиш керак. Бу соатлар, кунлар ёки ойларни ташкил этиши мумкин. Болани эса бувисига ёки энагага бериш мумкин.
- Бола билан кундузи ухланг. Чақалоғи бор оилаларда жинсий алоқа йўқлигини асосий сабабларидан бири – онанинг чарчаши. У кундузи уй ишларини қилади, кечаси болага қараб, етарли ухламайди. Шунинг учун ёш болали она кундузи, бола ухлаган вақтда ухлаб олгани маъқул. Бу кечқурунга энергия тўплаб олишга имкон яратади.
- Бирга ётманг. Бола билан онанинг бирга ётиши қулай, албатта. Лекин жинсий ҳаёт учун – ноқулай. Чақалоқни ўз ўрнига ётқизинг. Бу уни саломатлигига ҳеч қандай таъсири йўқ, қўрқманг.
- Ўзингиз учун вақт ажратинг. Чарчаган, таъсирчан бўлиб қолган аёлга жинсий алоқа ёқмаслиги табиий. Шу сабабли она ўзи учун ҳам вақт ажратиши керак. Бемалол душга кириши ёки ваннада ётиши чарчоқни яхши олади.
- Лубрикантлардан фойдаланинг. Туғруқдан кейин, айниқса қин ёки оралиқ соҳада жароҳатлар бўлса жинсий алоқадан аёллар қўрқиши мумкин. Бу стресс, бунинг устига қин намлиги камлиги жинсий алоқага ҳоҳишни пасайтиради. Бундай ҳолатда лубрикантларни ишлатиш оғриқ ва ёқимсиз ҳисларни камайтиради. Айниқса узоқ прелюдияга вақт бўлмаганда яхши ёрдам беради.
👉 @doctorYakubjonov