ԵՄ-ն պատրաստվում է Ուկրաինային կրկին օգնություն տրամադրել: Այս անգամ Բրյուսելը մի քանի պայմաններ է ներկայացրել Կիևին՝ 18 մլրդ եվրոյի չափով ֆինանսական օգնություն հատկացնելու համար: Ինչպես հայտնում է Ria.ru-ն՝ այս մասին հաղորդել է Bloomberg գործակալությունը:
Ըստ աղբյուրի՝ Ուկրաինային հիմնականում արտոնյալ վարկեր կտրամադրվի հրատապ կարիքները հոգալու, ենթակառուցվածքների վերականգնման և հետպատերազմյան շրջանում վերակառուցմանն աջակցելու համար:
Միևնույն ժամանակ, վարկերի հատկացումը կապված կլինի մի քանի պայմանների կատարման հետ: Դրանք կապված են իրավունքի գերակայության և կոռուպցիայի դեմ պայքարի ոլորտում բարեփոխումների հետ։ Նշվում է, որ նման փոփոխությունները Կիևին անհրաժեշտ են Եվրամիությանն անդամակցելու գործընթացը շարունակելու համար։
Հիշեցնենք, որ փետրվարի 24-ի առավոտյան Ռուսաստանն սկսել է Ուկրաինայի ապառազմականացման և ապաշրջափակման հատուկ գործողությունը: Ուկրաինայի նախագահ Վլադիմիր Զելենսկին Մոսկվային մեղադրել է երկրի ռազմական ենթակառուցվածքների վրա հարձակվելու մեջ և Ուկրաինայի ամբողջ տարածքում ռազմական դրություն է մտցրել՝ խզելով դիվանագիտական հարաբերությունները ՌԴ-ի հետ: