Եվրամիության մակարդակով բանակցություններ են ընթանում Իրանի դեմ պատժամիջոցների նոր փաթեթի նախապատրաստման շուրջ, հայտնել է Գերմանիայի ԱԳՆ ներկայացուցիչ Անդրեա Զասեն, փոխանցում է РИА Новости - ն։
«Ես կարող եմ հաստատել, որ իսկապես ԵՄ-ի մակարդակով բանակցություններ կան պատժամիջոցների նման փաթեթի շուրջ։ .. բանակցությունները շատ կառուցողական են։ Բայց առավել մանրամասներ, այդ թվում ժամկետների վերաբերյալ, ես դեռ չեմ կարող հայտնել», - ասել է Զասեն։
Նշվում է, որ ավելի վաղ Գերմանիայի ԱԳ նախարար Աննալենա Բերբեկը հայտարարել էր, որ Իրանի հետ երկկողմ հարաբերությունների պահպանումն, ինչպես նախկինում, արդեն անթույլատրելի է այդ երկրում մարդու իրավունքների հետ կապված իրավիճակի պատճառով: Նախարարն այն ժամանակ հայտնել էր, որ Գերմանիան ծրագրում է վիզային սահմանափակումներ մտցնել Իրանի դեմ։
Հիշեցնենք, որ Իրանում սեպտեմբերի 17-ից շարունակվում են բողոքի ցույցերը։ Դրանք բռնկվել են 22-ամյա Մահսա Ամինիի մահից հետո, որը մահացել է Թեհրանում «անպատշաճ հանդերձանքի» համար ոստիկանության կողմից բարքերի ձերբակալությունից հետո։