Добрый день, дорогие друзья! 8 ноября день памяти великомученика Димитрия Солунского. Напомню, что Дмитриевская суббота отмечается всегда перед его днём. Многие князья носили это красивое греческое имя, наконец, оно стало одним из самых распространенных мужских имён на Руси.
Как и многие, любимые нами мученики, Димитрий пострадал при самых массовых гонениях в 306 г. от рук Максимиана Галерия, соправителя Диоклетиана.
Подобно великомученику Георгию, современником которого он был, Димитрий происходил из знатной христианской семьи, отец его был проконсулом Салоник (Фессалоник) - крупнейшего и красивейшего города в северной Греции.
После смерти отца проконсулом назначили Димитрия. Император Максимиан приказал ему отлавливать и казнить христиан. Димитрий, разумеется, не делал этого, напротив, способствуя свободной проповеди и жизни христиан.
Недоброжелатели донесли на святого, и император, возвращавшийся из военного похода, решил совершить проверку. Увидев, что его указы не исполняются, Галерий велел заключить Димитрия в темницу.
А затем поспешил на устроенные в его честь гладиаторские бои с казнями христиан. Особенно зверствовал гладиатор Лий. Отважный юноша Нестор, просивший благословения Димитрия на бой, одолел мерзавца. По всем правилам Нестора должны были наградить. Но его казнили как христианина.
Димитрия же закололи подосланные к нему в темницу воины.
Начались массовые гонения. Казалось бы, язычество, безбожие торжествовало. Но это была агония. Пройдет всего несколько лет, и в 313 г. император Константин Великий официально прекратит гонения и дарует свободу Церкви.
Над могилой великомученика Димитрия воздвигнут храм. Тело святого было помещено в серебряную раку, кровь его собрана верным слугой Луппом, который и сам стал мучеником. Больше тысячи лет от мощей истекает миро, от чего Димитрий и прозван Мироточивым. Неисчислимы все случаи исцеления от многообразных болезней!
Великомученик Димитрий - покровитель воинов, христианских правителей, начальников, а также всех притесняемых и гонимых.
Ниже я собрала для вас молитвы о воинах, их семьях и о России.
Молитвы Господу Богу
Господи Боже наш, Всесильный Царю небеси и земли, Владыко Серафимов и Херувимов, Архангелов и Ангелов!
Призри на покаяние и веру народа Твоего, услыши сердечную молитву за Отечество наше и даруй скорую победу на супостаты!
Ты, Всемогущий Боже, отметаеши советы князей, восстающих на Тя, и смиряеши, яко язвена, гордого: разори языки, хотящия брани, низложи и замыслы их нивочтоже обрати!
Христолюбивое воинство наше укрепи десницею Твоею и сохрани под кровом крыл Твоих; народы наши узами любви и единомыслия соедини и благодатию соблюди; скорый мир водвори в Великой, Малой и Белой Руси, да едиными усты и сердцем величаем Тя, в Троице славимого Бога, всегда, ныне и присно и во веки веков!
***
Многомилостиве и Всемилостиве Боже наш, Отче, Сыне и Душе Святый!
Ты, обещавый праведному Аврааму помиловати два великих города, согрешивших пред Тобою, аще обрящеши в них десять праведников; помилуй Боже наш, и Русь православную – Великую, Малую и Белую за молитвы верных Твоих, вопиющих к тебе день и нощь.
Умири гнев Твой праведный, на ны движимый, и услыши моления всех новомучеников и исповедников Российских, живот свой за Церковь Твою святую и веру православную положивших. Не попусти Владыко, богомерзкому сборищу сатанинскому погубити страну нашу, Церковь Русскую и народ православный. Даруй нам, Господи, мужей силы, веры и разума, да Твоею помощию сокрушат вся козни слуг антихристовых молитвами Заступницы земли Российския – Пречистыя Твоея Матери и всех Твоих святых, да прославим милость Твою к нам, во веки веков. Аминь.
Молитва Господу Александра Невского перед битвой
Бо́же хва́льный и пра́ведный, Бо́же вели́кий и кре́пкий, Бо́же преве́чный, сотвори́вый не́бо и зе́млю и поста́вивый преде́лы язы́ков, и жи́ти и́м повеле́вый, не преступа́я в чужие ча́сти, и да́вый рабо́м Свои́м упова́ние – преве́чное Твое́ Сло́во, во е́же не боя́тися ма́лому ста́ду от убива́ющих те́ло; милосе́рдия же ра́ди неизрече́нныя ми́лости Твоея́, посла́л еси́ единоро́днаго Сы́на Твоего́ на спасе́ние и избавле́ние ро́да челове́ча. И ны́не, Влады́ко преще́дрый, слы́ши словеса́ варва́ра сего́, прегордо хва́лящагося разори́ти святу́ю Твою́ Це́рковь, и потреби́ти ве́ру Правосла́вную, и пролия́ти кро́вь христиа́нскую: при́зри с небесе́ и ви́ждь и посети́ виногра́д Сво́й, суди́ оби́дящим мя́ и возбрани́ борю́щимся со мно́ю; приими́ ору́жие и щи́т и ста́ни в по́мощь мне́, да не реку́т врази́ на́ши: где́ е́сть Бо́г и́х? Ты́ бо еси́ Бо́г на́ш и на Тя́ упова́ем, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Аминь.
Молитва пред иконой Божией Матери «Смоленская»(«Одигитрия»)
О, пречу́дная и превы́шшая все́х тва́рей Цари́це Богоро́дице, небе́снаго Царя́ Христа́ Бо́га на́шего Ма́ти, пресвята́я Одиги́трие Мари́е! Услы́ши ны́, гре́шныя и недосто́йныя, в ча́с се́й пред пречи́стым о́бразом Твои́м припа́дающия, и си́це уми́льно глаго́лющия: изведи́ на́с от ро́ва страсте́й, Одиги́трие блага́я, изба́ви на́с от вся́кия ско́рби и печа́ли, огради́ от вся́кия напа́сти и злы́х клеве́т и от непра́веднаго наве́та вра́жия: мо́жеши бо, о благода́тная Ма́ти на́ша, не то́чию от вся́каго зла́ сохрани́ти лю́ди Твоя́, но и вся́ким благодея́нием снабди́ти и спасти́: ра́зве бо Тебе́ ины́я предста́тельницы в беда́х и обстоя́ниих и те́плыя хода́таицы о на́с гре́шных к Сы́ну Твоему́, Христу́ Бо́гу на́шему, не и́мамы: Его́же умоли́, Влады́чице, спасти́ на́с и Ца́рствия Небе́снаго сподо́бити, да спасе́ннии Тобо́ю сла́вим Тя́ и в бу́дущем ве́це, я́коже спасе́ния на́шего вино́вницу, и превозно́сим всесвято́е и великоле́пое и́мя Отца́ и Сы́на и Свята́го Ду́ха, в Тро́ице сла́вимаго и покланя́емаго Бо́га, во ве́ки веко́в. Ами́нь.
Молитва покрову Божией Матери
О, Пресвята́я Де́во, Ма́ти Го́спода Вы́шних Си́л, Небесе́ и земли́ Цари́це, гра́да и страны́ на́шея всемо́щная Засту́пнице! Приими́ хвале́бно-благода́рственное пе́ние сие́ от на́с, недосто́йных ра́б Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты́ уми́лостивиши Его́ о на́с, Влады́чице, я́ко вся́ Тебе́ от Него́ возмо́жна су́ть. Сего́ ра́ди к Тебе́ прибега́ем, я́ко к несомне́нней и ско́рей Засту́пнице на́шей: услы́ши на́с, моля́щихся Тебе́, осени́ на́с вседержа́вным покро́вом Твои́м и испроси́ у Бо́га Сы́на Твоего́ па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим стра́х Бо́жий, скорбя́щим благоду́шие, ра́дующимся воздержа́ние: все́м же на́м ду́х ра́зума и благоче́стия, ду́х милосе́рдия и кро́тости, ду́х чистоты́ и пра́вды. Е́й, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на пу́ть пра́вый наста́ви, ста́рость поддержи́, ю́ныя уцелому́дри, младе́нцы воспита́й и при́зри на все́х на́с призре́нием ми́лостиваго Твоего́ заступле́ния; воздви́гни на́с из глубины́ грехо́вныя и просвети́ серде́чныя о́чи на́ша ко зре́нию спасе́ния; ми́лостива на́м бу́ди зде́ и та́мо, в стране́ земна́го прише́льствия и на Стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты́ бо еси́, Госпоже́, Сла́ва небе́сных и Упова́ние земны́х, Ты́ по Бо́зе на́ша Наде́ждо и Засту́пнице все́х притека́ющих к Тебе́ с ве́рою. К Тебе́ у́бо мо́лимся и Тебе́, я́ко Всемогу́щей Помо́щнице, са́ми себе́ и дру́г дру́га и ве́сь живо́т на́ш предае́м, ны́не и при́сно, и во ве́ки веко́в. Ами́нь.
Молитва пред иконой Божией Матери «Умягчение злых сердец»
О, многострада́льная Ма́ти Бо́жия, Превы́сшая все́х дще́рей земли́, по чистоте́ Свое́й и по мно́жеству страда́ний, Тобо́ю на земли́ перенесе́нных, приими́ многоболе́зненныя воздыха́ния на́ша и сохрани́ на́с под кро́вом Твоея́ ми́лости. Ино́го бо прибе́жища и те́плаго предста́тельства ра́зве Тебе́ не ве́мы, но, я́ко дерзнове́ние иму́щая ко И́же из Тебе́ рожде́нному, помози́ и спаси́ ны́ моли́твами Свои́ми, да непреткнове́нно дости́гнем Ца́рствия Небе́снаго, иде́же со все́ми святы́ми бу́дем воспева́ти в Тро́ице Еди́ному Бо́гу ны́не и при́сно, и во ве́ки веко́в. Ами́нь
Об избавлении от плена святителю Николаю Чудотворцу
О, до́брый на́ш па́стырю и богому́дрый наста́вниче, святи́телю Христо́в Нико́лае! Услы́ши на́с гре́шных (имена́), моля́щихся тебе́ и призыва́ющих в по́мощь ско́рое предста́тельство твое́: ви́ждь на́с немощны́х, отвсю́ду уловля́емых, вся́каго бла́га лише́нных и умо́м от малоду́шия помраче́нных. Потщи́ся, уго́дниче Бо́жий, не оста́вите на́с в грехо́внем плену́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о на́с недосто́йных Соде́теля на́шего и Влады́ку, Ему́ же ты́ со безпло́тными ли́ки предстои́ши: ми́лостива к на́м сотвори́ Бо́га на́шего в ны́нешнем житии́ и в бу́дущем ве́це, да не возда́ст на́м по де́лом на́шим и по нечистоте́ серде́ц на́ших, но по Свое́й бла́гости возда́ст на́м. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу твоему́ припа́дающе, по́мощи про́сим: изба́ви на́с, уго́дниче Христо́в, от зо́л находя́щих на на́с, да ра́ди святы́х твои́х моли́тв не обы́мет на́с напа́сть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Христа́ Бо́га на́шего, да пода́ст на́м ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в.
Молитва великомученику Георгию Победоносцу
Святы́й, сла́вный и всехва́льный великому́чениче Христо́в Гео́ргие! Со́браннии во хра́ме твое́м и пред ико́ною твое́ю свято́ю покланя́ющиися лю́дие мо́лим тя́, изве́стный жела́ния на́шего хода́таю: моли́ с на́ми и о на́с умоля́емаго от Своего́ благосе́рдия Бо́га, да ми́лостиво услы́шит на́с, прося́щих Его́ благосты́ню (имена́), и не оста́вит вся́ на́ша ко спасе́нию и житию́ ну́жная проше́ния, и да укрепи́т же да́нною тебе́ благода́тию во бра́нех правосла́вное во́инство, и си́лы возстаю́щих вра́г на́ших да низложи́т, да постыдя́тся и посра́мятся, и де́рзость и́х да сокруши́тся, и да уве́дят, я́ко мы́ и́мамы Боже́ственную по́мощь: и все́м в ско́рби и обстоя́нии су́щим многомо́щное яви́ твое́ заступле́ние: умоли́ Го́спода Бо́га, всея́ тва́ри Созда́теля, изба́вити на́с от ве́чнаго муче́ния, да всегда́ прославля́ем Отца́ и Сы́на и Свята́го Ду́ха, и твое́ испове́дуем предста́тельство, ны́не и при́сно и во ве́ки веко́в.
Молитва великомученику Димитрию Солунскому
Святы́й и сла́вный великому́чениче Христо́в Дими́трие, ско́рый помо́щниче и те́плый засту́пниче с ве́рою притека́ющих к тебе́! Предстоя́ со дерзнове́нием Небе́сному Царю́, испроси́ у Него́ проще́ние согреше́ний на́ших, и о е́же изба́витися нам от всегуби́тельныя я́звы, тру́са, пото́па, огня́, меча́ и ве́чныя ка́зни. Моли́ бла́гость Его́, е́же уще́дрити град сей (оби́тель сию́) и вся́кую страну́ христиа́нскую. Исхода́тайствуй у Царя́ ца́рствующих всей держа́ве на́шей мир, тишину́, тве́рдость в ве́ре и преспе́яние во благоче́стии; нам же, чту́щим честну́ю па́мять твою́, испроси́ благода́тное укрепле́ние на дела́ блага́я, да благоуго́дное Влады́це на́шему Христу́ Бо́гу зде творя́ще, сподо́бимся моли́твами твои́ми насле́довати Ца́рствие Небе́сное и та́мо прославля́ти Его́, со Отце́м и Святы́м Ду́хом, во ве́ки веко́в. Ами́нь.
Молитва благоверному князю Александру Невскому
Ско́рый помо́щниче все́х усе́рдно к тебе́ прибега́ющих и те́плый на́ш пред Го́сподом предста́телю, святы́й благове́рный вели́кий кня́же Алекса́ндре! При́зри ми́лостиво на мя́ недосто́йнаго, мно́гими беззако́нии непотре́бна себе́ сотво́ршаго раба́ твоего́ (и́мя), к ра́це моще́й твои́х (ко святе́й ико́не твое́й) ны́не притека́юща и из глубины́ се́рдца к тебе́ взыва́юща. Ты́ в житии́ твое́м ревни́тель и защи́тник правосла́вныя ве́ры бы́л еси́: и на́с в не́й те́плыми твои́ми к Бо́гу моли́твами непоколеби́мы утверди́. Ты́ вели́кое возложе́нное на тя́ служе́ние тща́тельно проходи́л еси́: и на́с твое́ю по́мощию пребыва́ти коего́ждо, в не́же при́зван е́сть, наста́ви. Ты́, победи́в полки́ супоста́та, от преде́лов Росси́йских того́ отгна́л еси́: и на на́с ополча́ющихся все́х ви́димых и неви́димых враго́в низложи́. Ты́, оста́вив тле́нный вене́ц ца́рства земна́го, избра́л еси́ безмо́лвное житие́, и ны́не пра́ведно венце́м нетле́нным увенча́нный на небесе́х ца́рствуеши: исхода́тайствуй и на́м, смире́нно мо́лим тя́, житие́ ти́хое и безмяте́жное, и к ве́чному Ца́рствию ше́ствие неукло́нное твои́м предста́тельством устро́й на́м. Предстоя́ же со все́ми святы́ми престо́лу Бо́жию, моли́ся о все́х правосла́вных христиа́нех, да сохрани́т и́х Госпо́дь Бо́г Свое́ю благода́тию в ми́ре, здра́вии, долгоде́нствии и вся́ком благополу́чии в должа́йшая ле́та, да при́сно сла́вим и благослови́м Бо́га в Тро́ице Святе́й сла́вимаго, Отца́ и Сы́на и Свята́го Ду́ха, ны́не и при́сно и во ве́ки веко́в.