Բելառուսի ԱԳՆ-ն արձագանքել է Հայաստանի արտաքին քաղաքական գերատեսչության մամուլի քարտուղարի հայտարարությանը ՀԱՊԿ խորհրդի նիստում նախագահ Ալեքսանդր Լուկաշենկոյի հայտարարությունների վերաբերյալ: Բելառուսի ԱԳՆ մամուլի քարտուղար Անատոլի Գլազը հայտարարել է, որ Հայաստանի ԱԳՆ-ն «բավական ինքնատիպ դիրքորոշում է որդեգրել»: «Միանգամայն հասկանալի է, որ Բելառուսի նախագահի հնչեցրած մոտեցումները կտրված չեն, այլ ընդհակառակը՝ հիմնված են իրականության վրա, հասկանալի են և դաշնակցային տեսանկյունից ազնիվ։ Հենց այդպիսի բաց ձևով, առանց քաղաքական խաղերի ու ինտրիգների, պետք է քննարկել հարցերը, երբ խոսքը վերաբերում է մարդկանց ճակատագրերին ու կյանքին», – հայտարարել է նա։
Գլազի խոսքով՝ «իր դաշնակցային պարտավորություններին Բելառուսը հավատարիմ է ոչ թե խոսքով, այլ գործնականում հաստատում է իր ողջ պատմության ընթացքում», «այդ թվում՝ ընթացիկ դժվարին պահին»։ «Ոչ պրոֆեսիոնալ է կասկածի տակ դնել այս ակնհայտ փաստը։ Պարկեշտությունը մեր արտաքին քաղաքականության առանձնահատկություններից մեկն է։ Դրա համար էլ հետագայում մեր գործընկերներն ու դաշնակիցները կարող են վստահ լինել մեր հետ հարաբերություններում։ Եթե մյուս երկրները նույն կերպ վարվեին, ապա շատ խնդիրներից հնարավոր կլիներ խուսափել», – ասվում է հայտարարության մեջ։ Գլազը նշել է, որ գագաթնաժողովին, որը հաշվի առնելով Հայաստանի կողմից իր հրավիրման շտապողականությունը, տեղի է ունեցել առցանց ձևաչափով, ներկա է եղել Նիկոլ Փաշինյանը, ով «և բոլոր անհրաժեշտ մեկնաբանությունները տվել է իր գործընկեր պետությունների ղեկավարներին»: «Ինչի է այս ուշացած գնահատականը Հայաստանի ԱԳՆ-ին։ Հիշեցնեմ, որ բելառուսական կողմը հետևողականորեն հանդես է եկել Ղարաբաղյան հակամարտության խաղաղ կարգավորման օգտին՝ դրան զգալի ջանքեր գործադրելով բոլոր հասանելի ձևաչափերով՝ ինչպես բազմակողմ, այնպես էլ երկկողմ«, – հայտարարել է նա՝ «Մինսկի» ընկերներին և գործընկերներին խորհուրդ տալով ուշադիր կարդալ և վերընթերցել բելառուսական պետության ղեկավարի բազմաթիվ ելույթներն այս բարդ, բայց միանգամայն լուծելի հարցի վերաբերյալ»:
Ավելի վաղ Հայաստանի ԱԳՆ մամուլի քարտուղար Վահան Հունանյանը հայտարարել էր, որ Բելառուսի նախագահ Ալեքսանդր Լուկաշենկոյի հայտարարությունները կասկածի տակ են դնում ՀԱՊԿ շրջանակներում իր երկրի պարտավորությունները: «Մենք տեղին չենք համարում մեկնաբանել բանակցությունների տրամաբանությունից կտրված Բելառուսի նախագահի հայտարարությունները, որոնք հակասում են դաշնակցային և գործընկերային հարաբերությունների ոգուն և կասկածի տակ են դնում ՀԱՊԿ շրջանակներում իր իսկ կողմից ստորագրված անդամ պետության պարտավորությունները»,-նշել է Հունանյանը:
Լրացուցիչ տեղեկությունների համար այցելեք կայք